قوعامعا سايلاۋدان گورى ناقتى الەۋمەتتىك باستامالار ماڭىزدى - ساراپشى
«بولاشاق» رەسپۋبليكالىق قوزعالىسىنىڭ جانە «جاستار ءۇنى» جاستار قوعامدىق بىرلەستىگىنىڭ ءتوراعاسى داۋرەن بابامۇراتوۆ پرەزيدەنتتىڭ بۇگىنگى مالىمدەمەسىنە قاتىستى وسىلاي پىكىر ءبىلدىردى، دەپ حابارلايدى قازاقپارات.
«كوپ اڭگىمەگە وسىلاي نۇكتە قويىلدى. كەشە كەشكە ەلباسىنىڭ كونستيتۋتسيالىق كەڭەسكە جولدانعان سۇراۋىنان كەيىن «ساياساتولوگ» ماماندار تۇس-تۇستان ءتۇرلى بولجامدارعا ەرىك بەرگەن ەدى (اسىرەسە كورشى ەلدەردەن). بۇگىن نۇكتە قويىلدى. قازاقستاننىڭ كەلەسى پرەزيدەنتى كىم بولادى دەگەن سۇراققا حالىق 2020-جىلدىڭ جەلتوقسانىنىڭ العاشقى جەكسەنبىسىندە جاۋاپ بەرەدى»، - دەيدى داۋرەن بابامۇراتوۆ ءوزىنىڭ فەيسبۋكتەگى پاراقشاسىندا.
ساراپشىنىڭ ايتۋىنشا، ءدال قازىر قوعامعا، سايلاۋدان گورى ناقتى الەۋمەتتىك باستامالار بارىنشا ماڭىزدى.
«بىلتىر جانە بيىل پرەزيدەنتپەن جوسپارلانعان ءبىرقاتار ءتاپ-ءتاۋىر الەۋمەتتىك جوبالار جوسپارعا سايكەس ورىندالسا، حالىققا ساياسي ناۋقانعا قاراعاندا ءسوزسىز سول يگى ەدى»، - دەيدى ول.
ەسكە سالا كەتسەك، بۇعان دەيىن ق ر پرەزيدەنتى نۇرسۇلتان نازاربايەۆ ەلىمىزدىڭ كونستيتۋتسيالىق كەڭەسىنە جۇگىنۋ سەبەبىن تۇسىندىرگەنىن حابارلاعان بولاتىنبىز.