قانات يسلامنىڭ رينگكە ورالۋى نەگە شەگەرىلىپ جاتقانى بەلگىلى بولدى
ەسكە سالايىق، قانات يسلام WBO NABO جانە WBA- NABA بەلبەۋلەرى ءۇشىن كانادالىق برەندون كۋكتى (20-2، 13 ك و) نوكاۋتقا تۇسىرگەننەن كەيىن رينگكە شىققان جوق. جەكپە-جەك 2017 -جىلدىڭ 9 -قىركۇيەگىندە وتكەن ەدى.
«يسلام ءۇش اپتا وڭالتۋ ورتالىعىندا ەمدەلەدى. بىلتىر جازداعى سپاررينگ كەزىندە اياعى تايىپ كەتىپ، ءسىڭىرىن ءۇزىپ العان. مۇنداي جاراقات ۇزاق ەمدەلەدى. دارىگەرلەر قازىر يسلامعا بىردەن رەابيليتاتسيا جاساۋ كەرەك بولعانىن ايتادى. ول ءبىراز ءجۇرىپ قالعان. وسى ۋاقىتقا دەيىن سول اياعىنىڭ بۇلشىق ەتى ءبۇرىلىپ، كىشىرەيىپ كەتكەن. ەندى وسى اياعىنىڭ ءسىڭىرىن جازىپ، بۇلشىق ەتىن دە ءوسىرۋ كەرەك. ءبارى ءساتى بولىپ جاتسا، رينگكە ەكى-ءۇش ايدان كەيىن شىعا الادى. يسلامنىڭ ءوزى مامىر ايىندا ا ق ش-تا جۇدىرىقتاسقىسى كەلەدى»، - دەپ اتاپ ءوتتى مالىمەت كوزى.
مۇنىڭ الدىندا امەريكالىق boxrec.com سايتىندا قازاقستاندىق بوكسشىنىڭ «بەلسەندى ەمەس» ەكەنى كورسەتىلگەنىنە بايلانىستى بوكسشى كارەراسىن توقتاتتى ما دەگەن سۇراقتار تۋىنداعان. الايدا WBO NABO جانە WBA Inter- Continental بەلبەۋلەرىنىڭ يەگەرى بۇل اقپاراتتى راستامادى.