تاسقىن: ادامداردى تانكىلەرمەن ەۆاكۋاتسيالاپ جاتىر

استانا. قازاقپارات - اۋستراليانىڭ سولتۇستىگىندە تولاسسىز جاۋعان جاڭبىردىڭ سالدارىنان سۋ تاسقىنى بولدى، دەپ حابارلايدى CNN.

سوڭعى دەرەكتەر بويىنشا، باسپاناسىز قالعان جۇزدەگەن جان ەۆاكۋاتسيا ورتالىقتارىندا تۇرىپ جاتىر. وندا ادامداردى 4- اقپان كۇنگى تاڭەرتەڭنەن بەرى تانكىلەر جەتكىزۋدە. جەڭىل جانە جۇك كولىكتەرى سۋ استىندا قالىپ، ءوز قىزمەتتەرىن اتقارا الماي جاتىر.

بۇدان بولەك، تاۋنسۆيل قالاسىنداعى 20 مىڭ ءۇي تابيعي اپاتتىڭ قۇربانىنا اينالۋى ىقتيمال. ءوڭىر بيلىگى شۇعىل تۇردە ولاردى قۇتقارۋ جۇمىستارىن جۇرگىزىپ جاتىر. سۋ باسقان ايماقتاردا جارىق جوق، اۋەجايلار توقتاپ، دۇكەندەردەگى سورەلەر بوس تۇر.

ادامدارعا ۇيلەرىنىڭ ماڭايىندا ءجۇزىپ جۇرگەن قولتىراۋىندار دا قاۋىپ توندىرۋدە.