استانا ماڭىنا قاتىنايتىن جاڭا باعدار ىسكە قوسىلادى

استانا. قازاقپارات - استانادا قالا ماڭىنا قاتىنايتىن جاڭا 320№  باعدار ىسكە قوسىلادى، دەپ حابارلايدى قازاقپارات.

Astana LRT باسپا ءسوز قىزمەتىنىڭ حابارلاۋىنشا، 4- اقپانىنان باستاپ جاڭا قالا ماڭىنا قاتىنايتىن 320№  باعدار ىسكە قوسىلادى. وسىلايشا، قوسشى اۋىلىنىڭ سول جاعى قالانىڭ كولىك ينفراقۇرىلىمىنا ەنگىزىلەتىن بولادى.

«جاڭا 320№  اۆتوبۋستىڭ باعدارى «نازاربايەۆ ۋنيۆەرسيتەتى» ايالداماسىنان، قابانباي باتىر داڭعىلىمەن لەسنايا پوليانا تۇرعىن ءۇي الابىنا دەيىن، ودان ءارى رەسپۋبليكا كوشەسىمەن ءسۇيىنباي كوشەسىنە دەيىن، سوسىن قوسشى اۋىلىنىڭ سول جاعىمەن «مۋسليم» دۇكەن-كافەسىنە دەيىن جۇرەدى. كەرى باعىتتا 320№ باعدار جوعارىدا كورسەتىلگەن سىزبامەن قاتىنايدى»، - دەلىنگەن Astana LRT فەيسبۋكتەگى پاراقشاسىندا.