قازاقستاندا كەيبىر كوكونىس باعاسى ارزاندادى
ەسەپتى كەزەڭدە نان ونىمدەرى، جارمالار، ەت، بالىق، تەڭىز ونىمدەرى، ءسۇت ونىمدەرى، جۇمىرتقا، ماي، قانت، كونديتەر ونىمدەرى، الكوگولدى جانە الكوگولسىز سۋسىنداردىڭ باعاسى كوتەرىلىپ، جەمىس-كوكونىس ارزانداي تۇسكەن.
استىقتاردىڭ ءبىرىنىڭ باعاسى كوتەرىلىپ، باسقاسى ارزاندادى. ماسەلەن، بيىلعى قاڭتاردا 1 ك گ كۇرىشتىڭ ورتاشا باعاسى 317 تەڭگە بولدى، بىلتىر 287 تەڭگە بولاتىن. ال بىلتىر 301 تەڭگە بولعان قاراقۇمىقتىڭ باعاسى بيىلعى قاڭتاردا 246 تەڭگەنى قۇرادى.
1 ك گ قانتتىڭ ورتاشا باعاسى قاڭتار ايىندا 240 تەڭگە بولدى، بىلتىر ول 194 تەڭگە ەدى.
كوكونىستەردەن: 1 ك گ كارتوپتىڭ باعاسى 2019 -جىلدىڭ قاڭتارىندا ورتاشا 86 تەڭگە بولدى، بىلتىر 121 تەڭگە ەدى، قىرىققابات - 106 تەڭگە (81 تەڭگە)، پياز - 78 تەڭگە (96 تەڭگە)، ال ءسابىزدىڭ باعاسى ورتاشا 97 تەڭگە (116 تەڭگە) بولدى.
اسحات احمەتبەكوۆ
