ا ق ش-تا ءبىلىم العان جاس كاسىپكەر اعىلشىن ءتىلىن تەگىن ۇيرەتەدى

شيەلى. قازاقپارات - شيەلىلىك جاس كاسىپكەر ءمولدىر دۇيسەنوۆا تۇرمىسى تومەن وتباسى بالالارىنا اعىلشىن ءتىلىن تەگىن ۇيرەتەدى، دەپ حابارلايدى قازاقپارات ءتىلشىسى.

ول اۋدارماشى ماماندىعى بويىنشا ءبىلىم العان. ودان كەيىن ا ق ش ەلىندە ءبىلىمىن جەتىلدىرىپ قايتتى. ودان كەيىن تۇركيا مەن رەسەيدە تاجىريبەسىن تولىقتىردى. اعىلشىن ءتىلىن جەتىك مەڭگەرگەن جاس كاسىپكەر بىلتىر «Zhas Project» جوباسى بويىنشا گرانتقا قول جەتكىزدى. شيەلىدە 2013 -جىلدان بەرى اعىلشىن ءتىلى كۋرسىن اشقان ول جەرگىلىكتى ورەندەرگە ءتالىم بەرۋ ءىسىن جولعا قويدى.

«بۇگىنگى كۇنگە دەيىن اۋداننىڭ 3 مىڭعا جۋىق ورەنى ءبىزدىڭ كۋرستارعا قاتىستى. العاشقىدا ءوزىم عانا قىزمەت اتقارعان ەدىم. قازىر بىزدە 10 مۇعالىم بار. ءتورت جەردەن فيليال اشتىق. بىزگە اۋىل مەكتەپتەرىنەن دە ۇسىنىس ءتۇسىپ جاتىر»، - دەدى ءمولدىر دۇيسەنوۆا.

سوڭعى ۋاقىتتا ول ىزگى ءىستى قولعا الدى. جەتىم بالالار، تولىق ەمەس، از قامتىلعان جانە كوپ بالالى وتباسى بالالارىنا تەگىن ءدارىس بەرىپ كەلەدى.