ەر ادام اتقا مىنگەن كۇيىندە دۇكەنگە كىرىپ كەلدى
استانا. قازاقپارات - قىرعىزستاندا ەر ادام دۇكەنگە اتقا مىنگەن كۇيىندە كىرىپ كەلدى. انىقتالعانداي، 39 جاستاعى جەرگىلىكتى تۇرعىن بۇل كەزدە ماس بولعان.
ول ءوز ارەكەتى ءۇشىن وكىنەتىنىن جەتكىزدى.
وقيعا قىرعىزستاننىڭ توقماق قالاسىندا ورىن العان. ىشىمدىكتەن ۇرتتاپ العان ەر ادام ات ۇستىندە وتىرعان كۇيىندە دۇكەنگە كىرىپ كەلدى. بۇل وقيعا ءتۇسىپ قالعان ۆيدەو جەلىدە تاراپ كەتتى.
Sputnik قىرعىزستان مالىمەتىنشە، اتپەن دۇكەنگە كىرگەن 39 جاستاعى جەرگىلىكتى تۇرعىن ەكەن. ول ارتىنشا ءوز ارەكەتى ءۇشىن وكىنەتىنىن ايتتى.
دەسە دە ونىڭ ۇستىنەن اكىمشىلىك حاتتاما تولتىرىلىپ، 5,5 مىڭ سوم (30 مىڭ تەڭگەدەن اسا) كولەمىندە ايىپپۇل سالىندى.