قازاقستاندا «قازاق ارۋى» سۇلۋلىق بايقاۋىنا كاستينگ جاريالاندى
«قازاق ارۋى» بايقاۋىنىڭ كاستينگى 2-3 - اقپان كۇندەرى الماتى قالاسى، «سامال» ىقشاماۋدانى، قاجىمۇقان كوشەسى، 49, «ZMOOD» مەيرامحاناسىندا، ال 8 - اقپان كۇنى استانا قالاسى، قادىرعالي جالايىر كوشەسى 8، «The one hotel Astana» قوناق ۇيىندە وتكىزىلەدى. ۋاقىتى - 12:00-دەن 18:00-گە دەيىن.
سونىمەن قاتار، بايان الاگوزوۆا بۇل بايقاۋدىڭ باستى تالاپتارىمەن تانىستىردى.
«قازاق ءتىلىن جەتىك مەڭگەرۋ، كورىكتى ءارى كەلبەتتى، اقىلدى ءارى دارىندى بولۋ، 16-22 جاس ارالىعى، بويى 170 س م- دەن جوعارى، سالماق 53 ك گ- نان تومەن. ەگەر وسى سيپاتتاماعا ساي بولساڭىز، ىسكە ءسات! بايقاۋ ۇيىمداستىرۋشىلارى مەن التىن ءتاج ءسىزدى كۇتۋدە» - دەلىنگەن اكتريسانىڭ پاراقشاسىندا.
سونىمەن قاتار، بۇل بايقاۋدا قازاق حالقىنىڭ تاريحى، ادەبيەتى مەن سالت- ءداستۇرى تۋرالى دا حاباردار بولۋ قاجەت. بۇل سۇلۋلىق بايقاۋى بولعاندىقتان، قاتىسۋشىلار بىلىمىمەن قاتار سۇلۋلىعىن دا كورسەتە الۋى كەرەك.
ايتا كەتۋ كەرەك، «قازاق ارۋى» قازاقستاندا وسىمەن توعىزىنشى رەت ۇيىمداستىرىلادى. وتكەن جىلى 20 جاستاعى اقتاۋلىق ارۋ ءنابيرا راحىمجان «قازاق ارۋى» اتانعان بولاتىن.
ەلامان تۇرىسبەكوۆ
