اسكەري قىزمەتكەرلەر قىزمەتتىك ءۇيدى قالاي جەكەشەلەندىرەدى
سونداي-اق و ك ق الاڭىندا وتكەن باسپا ءسوز ءماسليحاتىندا اسكەري قىزمەتكەرلەردى باسپانامەن قامتاماسىز ەتۋ ماسەلەسى دە ايتىلدى.
«تۇرعىن ءۇي تۋرالى جاڭا زاڭناماعا سايكەس 2013-جىلدىڭ 1- قاڭتارىنان باستاپ قىزمەتتىك كۇنتىزبەمەن ەسەپتەگەندە ەڭبەك ءوتىلى 10 جىلدان جوعارى، ءبىراق 20 جىلعا جەتپەگەن اسكەري قىزمەتكەرلەرگە ءوزى تۇرىپ جاتقان قىزمەتتىك ءۇيدى قالدىق قۇنى بويىنشا ساتىپ الۋ قۇقىعى بەرىلگەن. دەگەنمەن قىزمەتتىك ۇيلەردىڭ جارتىسى دەرلىك جابىق اسكەري ايماقتا ورنالاسقاندىقتان ولاردى جەكەشەلەندىرۋگە رۇقسات ەتىلمەيدى. وسى ماقساتتا اسكەريلەرگە جەكەشەلەندىرۋگە بەرىلەتىن ۇيمەن ايىرباستاۋ مۇمكىندىگى قاراستىرىلدى»، - دەدى ۆيتسە-مينيستر.
ونىڭ ايتۋىنشا، اسكەري قىزمەتكەرلەردىڭ باسپانا ماسەلەسىن شەشۋدىڭ نەگىزگى تەتىگى - بارلىق ساناتتاعى ماماندار ءۇشىن ءبىرىڭعاي تۇرعىن ءۇي تولەمىنىڭ ەنگىزىلۋى.
«سونىمەن قاتار اسكەري سالادا 20 جانە ودان كوپ جىل ەڭبەك ەتكەن اسكەريلەرگە قىزمەتتىك ءۇيدى وتەۋسىز جەكەشەلەندىرۋ قۇقىعى قايتارىلدى. ال قىزمەتتىك تۇرعىن ۇيلەرمەن قامتاماسىز ەتىلگەن اسكەري قىزمەتكەرلەر ەكىنشى دەڭگەيلى بانكتەردەگى جەكە ارنايى شوتتارىنا تۇرعىن ءۇي تولەمدەرىنىڭ %50 اۋدارىلادى تۇرعىن ۇيلەرمەن قامتاماسىز ەتىلمەگەن اسكەري قىزمەتشىلەرگە ەكىنشى دەڭگەيلى بانكتەردەگى جەكە ارنايى شوتتارىنا تۇرعىن ءۇي تولەمدەرىنىڭ %100 اۋدارىلادى»، - دەدى ت. مۇحتاروۆ.
بۇدان بولەك، قورعانىس ۆيتسە-ءمينيسترى وتكەن جىلى 2 مىڭعا جۋىق اسكەري قىزمەتكەردىڭ باسپانامەن قامتاماسىز ەتىلگەنىن ءمالىم ەتكەن بولاتىن.
