پوليتسەيگە پارا ۇسىنعان جۇرگىزۋشىنىڭ باسى بالەگە قالدى
ۆەدومستۆونىڭ دەرەگى بويىنشا، وقيعا 30 - قاڭتاردا «رۋبەج- بۋراباي» بەكەتىندە ورىن العان. جول قوزعالىسىن باقىلاپ جۇرگەن جول پاترۋل پوليتسيا باتالونىنىڭ قىزمەتكەرلەرى پەتروپاۆل قالاسىنىڭ 28 جاستاعى تۇرعىنى تىزگىندەگەن «Mercedes Benz-200» كولىگىن توقتاتقان. جۇرگىزۋشىنىڭ قۇجاتتارىن تەكسەرۋ كەزىندە پوليتسەيلەر ق ر مىندەتتى ساقتاندىرۋ جونىندەگى زاڭناماسىنا قاتىستى زاڭبۇزۋشىلىقتى انىقتاعان.
جاۋاپكەرشىلىككە تارتىلماۋ ءۇشىن جۇرگىزۋشى پوليتسيا قىزمەتكەرىنە 2000 تەڭگە پارا ۇسىنعان. الايدا، پوليتسيا قىزمەتكەرى پارادان باس تارتىپ، جەمقورلىق قىلمىس تۋرالى ءوزىنىڭ باسشىلىعى مەن پ د ىشكى قاۋىپسىزدىك باسقارماسىنا حابارلاعان.
«سول كۇنى جەدەل تەرگەۋ شاراسى بارىسىندا لاۋازىمدى تۇلعاعا پارا بەرمەك بولعان ازامات ۇستالدى. قازىرگى كەزدە اتالعان وقيعاعا بايلانىستى ق ر ق ك 367-بابىنىڭ 1-بولىگى بويىنشا ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە» ، - دەپ ءتۇسىندىردى اقمولا وبلىسىنىڭ پ د باسپا ءسوز قىزمەتىندەگىلەر.
