جاپونيادا ءىرى قار مۇسىندەرى فەستيۆالى وتەدى
جاپونيا ۇلتتىق تۋريستىك ۇيىمدارى سايتىنىڭ جازۋىنشا، الەمدەگى ەڭ ءىرى مۇز شوۋى جىل سايىن 2 ميلليون ءتۋريستىڭ باسىن قوسادى. مەرەكە كەزىندە قاتىسۋشىلار قار مەن مۇزدان جۇزدەگەن ءمۇسىن جاسايدى. بۇل ودوري كەرن ورتالىق ساياباعىندا جانە سۋسۋكينو تۋريستىك ايماعىندا وتەدى.
ساپپوروداعى العاشقى قار فەستيۆالى 1950 -جىلى ءوتتى. ول كەزدە قالالىق ساياباقتا جەرگىلىكتى وقۋشىلار جاساعان التى ءمۇسىن ورناتىلعان ەدى. بۇل قالا تۇرعىندارى اراسىندا ۇلكەن قىزىعۋشىلىق تۋدىردى. سودان بەرى جىل سايىن اقپان ايىنىڭ باسىندا مۇسىنشىلەر قار مەن مۇزدان ءتۇرلى دۇنيەلەر جاساپ كەلەدى.
فەستيۆال 1972 -جىلى الەمدىك دەڭگەيدە تانىمالدىلىققا يە بولدى. ول كەزدە ساپپورودا XI وليمپيادا ويىندارى وتكەن ەدى. ال 1974 -جىلدان بەرى مەرەكە اياسىندا قار مۇسىندەرى قۇرىلىسى بويىنشا حالىقارالىق جارىستار ۇيىمداستىرىلادى.
