قازاقستاندا ەكىنشى رەت جاسالعان ۇرلىق اۋىر قىلمىس سانالاتىن بولدى
«مەنشىك قۇقىعىن قورعاۋدى كۇشەيتۋ، تورەلىك، سوت جۇكتەمەسىن وڭتايلاندىرۋ جانە قىلمىستىق زاڭنامانى ودان ءارى ىزگىلەندىرۋ ماسەلەلەرى بويىنشا زاڭ اياسىندا قىلمىستىق كودەكسكە ۇرلىقتى قايتالاعانى ءۇشىن جاۋاپكەرشىلىكتى كۇشەيتۋدى كوزدەيتىن تۇزەتۋلەر ەنگىزىلدى»، - دەپ حابارلايدى ادىلەت مينيسترلىگىنىڭ باسپا ءسوز قىزمەتى.
تۇزەتۋلەرگە سايكەس بىرنەشە رەت جاسالعان ۇرلىق «اۋىرلىعى ورتاشا» قىلمىس ساناتىنان «اۋىر قىلمىس» ساناتىنا اۋىستىرىلدى. بۇل ايىپتالۋشىنى تاراپتاردىڭ تاتۋلاسۋىنا بايلانىستى قىلمىستىق جاۋاپتىلىقتان بوساتۋ مۇمكىندىگىنەن ايىرادى.
«بۇعان دەيىن بىرنەشە رەت جاسالعان ۇرلىق ءۇشىن ايىپپۇل نەمەسە بەس جىلعا دەيىنگى مەرزىمگە باس بوستاندىعىن شەكتەۋ نەمەسە مۇلكىن تاركىلەي وتىرىپ، سول مەرزىمگە باس بوستاندىعىنان ايىرۋ تۇرىندە جاۋاپكەرشىلىك قاراستىرىلعان ەدى. ەندى بىرنەشە رەت جاسالعان ۇرلىق ءۇشىن 2 جىلدان 7 جىلعا دەيىنگى مەرزىمگە باس بوستاندىعىن شەكتەۋ نەمەسە مۇلكىن تاركىلەي وتىرىپ، سول مەرزىمگە باس بوستاندىعىنان ايىرۋ تۇرىندەگى جاۋاپكەرشىلىك قاراستىرىلاتىن بولادى»، - دەلىنگەن حابارلامادا.
بۇل تۇزەتۋ سول ءبىر تۇلعامەن جاسالعان ۇرلىقتى قىسقارتۋعا باعىتتالعان.
زاڭعا ەنگىزىلگەن تۇزەتۋ وسى جىلدىڭ 2- اقپانىنان باستاپ كۇشىنە ەنەدى.
