13:38, 31 - قاڭتار 2019 | GMT +6
الماتىدا جاۋعان جاۋىننىڭ ارتى كوكتايعاققا ۇلاستى
الماتى. قازاقپارات - الماتى قالالىق جاسىل ەكونوميكا باسقارماسى كوكتايعاققا بايلانىستى جۇرگىزۋشىلەرگە جەكە كولىگىن پايدالانباۋعا كەڭەس بەردى، دەپ حابارلايدى قازاقپارات ءتىلشىسى.
الماتىدا تاڭعى ساعات 7-دەن سەبەلەپ جاۋعان جاۋىن تۇسكە تامان قاتقاققا اينالىپ، كوكتايعاققا ۇلاستى. ال تاۋلى ايماقتا قار جاۋىپ جاتىر. جول بويىنداعى تروتۋارلارمەن ءجۇرۋ قيىنداي ءتۇستى.
«اۆتوموبيل يەلەرىنە جەكە كولىكتەرىن ۇيلەرىنە قالدىرىپ، قوعامدىق كولىككە وتىرۋعا كەڭەس بەرىلدى. قاجەتتىلىك تۋعان جاعدايدا جىلدامدىقتى ازايتۋدى ۇمىتپاۋدى ەسكەرتەمىز»، - دەدى باسقارمادان.
توتەنشە جاعدايعا بايلانىستى قالالىق كوممۋنالدىق قىزمەتتەر تəۋلىك بويى كەزەكشىلىك ۇيىمداستىردى.
اۆتور: گۇلميرا عوسمانالي
