قازاقستاندا كيبەرقاۋىپسىزدىك ماماندىعى بويىنشا ونلاين-وقىتۋ باستالدى

استانا. قازاقپارات - ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ قولداۋىمەن ەلەكتروندىق ەڭبەك بيرجاسى پورتالىندا قاڭتار ايىنان باستاپ ونلاين سيفرلىق داعدىلار بويىنشا وقىتۋ باستالدى.

ونلاين-وقىتۋدى «ەڭبەك رەسۋرستارىن دامىتۋ ورتالىعى» ا ق جانە «Cisco» اكادەمياسى ۇيىمداستىرىپ وتىر، دەپ حابارلايدى قازاقپارات ءتىلشىسى مينيسترلىكتىڭ باسپا ءسوز قىزمەتىنە سىلتەمە جاساپ.

«وقىتۋ ەكى ماماندىق، اتاپ ايتقاندا كيبەرقاۋىپسىزدىك جانە كەشەندى ينتەرنەت جۇيەسىنە كىرىسپە بويىنشا جۇرگىزىلەدى. وقۋ كۋرسى 10 كۇنگە سوزىلادى جانە تەوريا مەن تاجىريبەنى قامتيدى. كۋرستىڭ سوڭىندا ازاماتتار بۇكىل وقۋ مازمۇنىن قامتيتىن باعا الادى. كۋرستى اياقتاعانى تۋرالى سەرتيفيكات الۋ ءۇشىن وقۋدى ويداعىداي اياقتاپ، كۋرس بويىنشا ساۋالناماعا قاتىسۋ قاجەت»، - دەلىنگەن مينيسترلىكتىڭ حابارلاماسىندا.

سونداي-ق وسى جىلدىڭ اقپان ايىندا جۇمىسپەن قامتۋ ورتالىقتارىندا ەكى ماماندىق بويىنشا (كومپيۋتەرلىك گرافيكا جانە نەگىزگى IT داعدىلارى) بويىنشا پيلوتتىق رەجىمدە وقىتۋ جوسپارلانىپ وتىر.

«Cisco Networking Academy باعدارلاماسى - وقۋشىلارعا عالامدىق ەكونوميكادا قاجەتتى ينتەرنەت تەحنولوگياسى تۋرالى ءبىلىم بەرەتىن ەلەكتروندىق وقىتۋدىڭ كەشەندى باعدارلاماسى. Network Academy باعدارلاماسى ينتەرنەت ارقىلى قولجەتىمدى ماتەريالداردى، ءبىلىم بەرۋدى باعالاۋ قۇرالدارىن، ستۋدەنتتەردىڭ اكادەميالىق ۇلگەرىمىن باقىلاۋ قۇرالدارىن، تاجىريبەلىك زەرتحانالىق ساباقتاردى جانە كاسىبي تانىلعان كاسىبي سەرتيفيكاتتاردى الۋ ءۇشىن وقىتۋ كۋرستارىن قامتيدى»، - دەپ حابارلايدى مينيسترلىكتىڭ باسپا ءسوز قىزمەتىنەن.