وزبەكستان پرەزيدەنتى ەلدىڭ تۇڭعىش پرەزيدەنتى يسلام كاريموۆتىڭ تۋعان كۇنى قۇرمەتىنە اس بەردى

 استانا. قازاقپارات- وزبەكستاندا 30- قاڭتاردا ەلدىڭ تۇڭعىش پرەزيدەنتى يسلام كاريموۆتىڭ تۋعان كۇنى قۇرمەتىنە ەسكە الۋ شارالارى ءوتتى.

وزبەكستان پرەزيدەنتى باسپا ءسوز قىزمەتىنىڭ حابارلاۋىنشا، پرەزيدەنت شاۆكات ميرزيايەۆ تاشكەنتتەگى يسلام كاريموۆ ەسكەرتكىشىنە گۇل شوقتارىن قويىپ، سامارقانداعى سۇيەگى جاتقان شاحي-زيندا تاريحي زيراتىنا بارىپ، دۇعا وقىدى.

بۇدان سوڭ پرەزيدەنت سامارقاندا اس بەردى. ەسكە الۋ شاراسىنا مەملەكەتتىك جانە قوعامدىق ۇيىمداردىڭ وكىلدەرى، ەل اقساقالدارى مەن جاستار قاتىستى.

تاشكەنت پەن وبلىس ورتالىقتارىندا دا تۇڭعىش پرەزيدەنتتى ەسكە الۋ كەشتەرى ءوتتى.

شاۆكات ميرزيايەۆتىڭ 2017-جىلدىڭ 25- قاڭتارىندا شىعارعان قاۋلىسىنا سايكەس، وزبەكستاندا يسلام كاريموۆتىڭ تۋعان كۇنى جىل سايىن اتاپ وتىلەدى.

وزبەكستاندى 27 جىل باسقارعان يسلام كاريموۆ 2016-جىلدىڭ قىركۇيەك ايىندا 78 جاسىندا كوز جۇمدى.

«ازاتتىق»