ەلباسى ەڭبەكاقى تولەمەيتىن كاسىپورىن باسشىلارىن جازالاۋدى تاپسىردى
«ەل پروكۋراتۋراسى جۇمىسشىلاردىڭ ەڭبەك قۇقىعىن بۇزۋدىڭ 37 مىڭنان استام جاعدايىن انىقتادى. بۇل تۇرعىدا ەڭبەكاقى بويىنشا قارىز، ەڭبەك قاۋىپسىزدىگىن بۇزۋ، جالاقىنى دۇرىس ەسەپتەمەۋ، زياندى جاعدايداعى جۇمىس ءىشىن ۇستەمە تولەمەۋ، شەتەل كاسىپورىندارىندا ءبىزدىڭ ازاماتتاردىڭ قۇقىعىن كەمسىتۋ سەكىلدى ماسەلەلەر بايقالعان. وسىنىڭ بارلىعى نەمقۇرايلىلىق پەن تارتىپسىزدىكتىڭ ارقاسىندا بولىپ جاتىر، بۇعان جول بەرمەۋ كەرەك» ، - دەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.
بۇل تۇرعىدا پرەزيدەنت اكىمدەر مەن پروكۋراتۋرادان اتالعان ماسەلەنى باقىلاۋدا ۇستاۋدى تالاپ ەتتى.
«قايدا قاراپ وتىرسىزدار؟ بۇل رەتتە وسىنداي زاڭسىزدىقتارعا جول بەرمەۋ كەرەك. ولار شارتتى بەكىتتى، سوندىقتان مىندەتتى تولەمدەرىن جۇرگىزۋى ءتيىس. جۇمىسشىلاردى قورعاۋعا ءمان بەرۋ قاجەت. سوندىقتان وسى ماسەلەنى قاتاڭ باقىلاۋدا ۇستاپ، زاڭ بويىنشا جازالاۋ كەرەك» ، - دەدى باس پروكۋرور قايرات قوجامجاروۆقا قاراتا ايتقان سوزىندە.