ق ر پرەزيدەنتى مەملەكەت دامۋىنىڭ باستى كريتەريىن اتادى
«وتكەن جىلى مەملەكەتتىك جانە الەۋمەتتىك ساياساتتى جۇيەلى قايتا قاراي باستادىم. العاشقى قادام جاسالدى. بۇل - 5 الەۋمەتتىك باستاما. تاياۋداعى جولداۋ مەن جاستارعا ارنالعان الەۋمەتتىك پاكەت بارلىق قازاقستاندىقتاردىڭ ءال-اۋقاتىن ارتتىرۋعا باعىتتالادى. بۇگىندە بارلىق ەل بىردەي مۇنداي الەۋمەتتىك شىعىستاردى ءوسىرىپ، ءبىز جۇرگىزىپ وتىرعان جۇمىستاردى اتقارا الماۋى مۇمكىن. سوندىقتان بارلىق مەملەكەتتىك قاراجات بارىنشا ءتيىمدى پايدالانىلۋى ءتيىس، ولارعا باقىلاۋ بولۋى قاجەت»، - دەدى ەلباسى.
سونىمەن قاتار، مەملەكەت باسشىسى قازاقستان دامۋىنىڭ باستى كريتەريلەرىن اتادى.
«كىرىس پەن ءومىر ساپاسى سىندى ەكى كورسەتكىشتى مەملەكەت دامۋىنىڭ باستى كريتەريى دەپ جاريالايمىن. بارلىق ەكونوميكا جانە ءبىز جاساپ جاتقاننىڭ بارلىعى تۇپتەپ كەلگەندە ادامدارعا ارنالعان. ءاربىر مينيستر مەن اكىمنىڭ جۇمىسىن وسى كورسەتكىشتەردى جۇزەگە اسىرۋى بويىنشا باعالاۋ كەرەك»، - دەدى نۇرسۇلتان نازاربايەۆ.