الپىس مىڭ توننا ەت قاشان ەكسپورتتالادى: پرەزيدەنت اسىلجان مامىتبەكوۆتەن جاۋاپ الدى

استانا. قازاقپارات - ۇكىمەتتىڭ كەڭەيتىلگەن وتىرىسىندا ق ر پرەزيدەنتى نۇرسۇلتان نازاربايەۆ اۋىل شارۋاشىلىعى مينيسترلىگىنىڭ باسشىلىعىنان جىلىنا 60 مىڭ توننا ەت ەكسپورتتاۋ جوسپارى قاشان ورىندالاتىنىن سۇرادى، دەپ حابارلايدى قازاقپارات.

«كەزىندە اسىل تۇقىمدى ءىرى قارا مالدى الىپ كەلىپ، فەرمالاردى قۇردىق. سول كەزدە 60 مىڭ توننا ەت ەكسپورتتالاتىنى ايتىلدى. بۇل مىندەت قاشان ورىندالادى؟»، - دەدى ەلباسى ق ر اۋىل شارۋاشىلىعى مينيسترلىگىنىڭ جاۋاپتى حاتشىسى اسىلجان مامىتبەكوۆكە قاراتا ايتقان سوزىندە.

ءوز كەزەگىندە جاۋاپتى حاتشى 2018 -جىلى 20 مىڭ توننا ەكسپورتتالعانىن، 2020 -جىلى 30 مىڭ تونناعا جەتەتىنىن ايتتى.

«الداعى 2-3 جىلدا 60 مىڭ توننا ەتتى ەكسپورتقا شىعارۋ مەجەسىنە جەتەمىز»، - دەدى ا. مامىتبەكوۆ.

اۆتور: رۋسلان عابباسوۆ