بەينەباياندار مەن ايگىلى كومپوزيتورلارمەن جۇمىس - ديماش الداعى جوسپارىمەن ءبولىستى
«ارينە، ءانشى ءۇشىن جاقسى كومپوزيتورلارمەن جۇمىس جاساۋ وتە ماڭىزدى بولىپ تابىلادى. وسى ورايدا، مەنىڭ مانسابىمدا، شىعارماشىلىق ومىرىمدە جاقسى كومپوزيتورلار كەزدەسىپ جاتىر دەپ ايتۋعا تولىق نەگىز بار. قازىرگى ۋاقىتتا ءبىز يگور كرۋتويمەن جاقسى مۋزىكالىق تاندەم بولىپ ءجۇرمىز. ول كىسىنىڭ كاسىبي تۇرعىداعى بىلىكتىلىگى، مۋزىكاداعى ءبىلىمى تۋرالى ۇزاق اڭگىمە ايتۋعا بولادى. ويتكەنى، ول پاۆاروتتي، لارا فابيان، دميتري پاراسوۆسكي سەكىلدى الەمدىك كومپوزيتورلارمەن جۇمىس جاساعان بىلىكتى ونەر يەسى. قازىرگى تاڭدا كرۋتويدىڭ شىعارعان بىرنەشە تۋىندىلارى مەنىڭ رەپەرتۋارىما ەنىپ وتىر»، - دەدى ديماش قۇدايبەرگەن و ك ق- دا وتكەن باسپا ءسوز ءماسليحاتىندا.
ءانشىنىڭ ءوز سوزىندە سول سەكىلدى ۋولتەر دەگەن «تيتانيك» ءانى بويىنشا جۇمىس جاساعان تاماشا كومپوزيتور، گرەممي سىيلىعىنىڭ ەكى دۇركىن يەگەرىمەن شىعارماشىلىق قارىم- قاتىناستا ەكەنىن اتاپ ءوتتى.
«ءبىراق، حالىققا ابدەن تولىققاندى پىسكەن دايىن شىعارمانى ۇسىنعىمىز كەلەدى. سول سەبەپتەن مەن وزىمە نەمۇرايلى قاراي المايتىن مۋزىكانتتار قاتارىنان بولعاندىقتان، ءاربىر ءاندى شىعارماس بۇرىن ءجۇز ويلانىپ، مىڭ تولعانامىن. ال مەنىڭ ساحناعا الىپ شىعىپ، ورىنداپ جۇرگەن اندەرىم تەك كومپوزيتورلاردىڭ ەمەس، مەنىڭ دە جۇرەگىمنەن وتكەن اندەر. ال ول اندەردى بىردەن كەزىكتىرۋ وتە قيىنعا سوعادى»، - دەدى ءانشى.
ديماش جاقىندا ەڭ العاشقى البومى جارىق كورەتىنىن ايتىپ ءوتتى.
«قازاق ىرىمشىل حالىقپىز عوي. الداعى ماقساتتاردى جايىپ سالعاندى ءجون كورمەيمىز. دەگەنمەن ايتىپ وتەيىن، يگور اعامىز ەكەۋمىز ايتىپ جۇرگەن «قالجىراعان اققۋلاردىڭ سەزىمى» دەگەن انگە بەينەبايان تۇسىرگەلى جاتىرمىز. ودان كەيىن امەريكاداعى كومپوزيتورلاردان كەلگەن تاماشا اندەرگە بەينەبايان تۇسىرگەلى وتىرمىز»، - دەدى ديماش.
ەسكە سالا كەتسەك، بۇعان دەيىن و ك ق- دا وتكەن باسپا ءسوز ءماسليحاتىندا ديماش قۇدايبەرگەن جاستار جىلى اياسىندا استانادا كونسەرت بەرەتىنىن حابارلاعان بولاتىنبىز.
اۆتور: ايان بەكەن ۇلى