قازاقستاندا ىشكى جالپى ونىمدەگى سالىقتىڭ ۇلەسى قانشا بولادى؟
بۇل تۋرالى پارلامەنت ماجىلىسىندەگى ۇكىمەت ساعاتىندا قارجى ءمينيسترى ءاليحان سمايىلوۆ ايتتى، دەپ حابارلايدى قازاقپارات.
«تاۋەكەلدەردى باسقارۋ» اقپاراتتىق جۇيەسى ۇلكەن دەرەكتەر كولەمىن تالداۋ ارقىلى تاۋەكەلدىڭ جاڭا تۇرلەرىن انىقتاۋعا جانە ىرىكتەۋ پروتسەستەرىن اۆتوماتتاندىرۋعا، سالىق تولەۋشىلەردى ساناتتارعا بولۋگە، سونداي-اق سالىق جانە كەدەن زاڭناماسىنىڭ بۇزۋشىلىقتارىن انىقتاۋعا مۇمكىندىك بەرەدى. تاۋەكەلدەردى باسقارۋ جۇيەسى نەگىزىندە ازىرلەنگەن تاۋەكەل مودەلدەرى دەرەكتەردى قولمەن وڭدەمەي، ونى اۆتوماتتاندىرىپ، جۇمىس ۋاقىتىن 2 ايدان 2 كۇنگە دەيىن قىسقارتىپ، ناتيجەلەردىڭ نەعۇرلىم جوعارلاتۋعا مۇمكىندىك بەردى»، - دەپ ءتۇسىندىردى مينيستر.
ونىڭ سوزىنە قاراعاندا، 2025-جىلعا قاراي سالىقتىڭ جينالۋى كورسەتكىشىن ىشكى جالپى ونىمگە شاققاندا 25 پايىزعا جەتكىزۋ ەسكەرىلىپ وتىر.
«سالىقتاردىڭ جينالۋىن 2018-جىلعى 16,9 پايىزدان 2025-جىلى ىشكى جالپى ءونىمنىڭ 25 پايىزىنا دەيىن ارتتىرۋدى ماقسات ەتىپ وتىرمىز. سالىقتىق جانە كەدەندىك اكىمشىلەندىرۋدى سيفرلاندىرۋ ەسەبىنەن ابسوليۋتتىك ماندە بۇل 2025-جىلعا دەيىن 5,5 تريلليون تەڭگە كولەمىندە بيۋجەتكە قوسىمشا ءتۇسىم بەرەدى»، - دەدى ءاليحان سمايىلوۆ.