قىزىلوردالىق سۋرەتشى قىستا جالاڭاياق ءجۇرۋ ارقىلى اۋرۋىنان جازىلدى

قىلقالام شەبەرىنىڭ مۇنداي ءومىر ءسۇرۋ داعدىسىنا كوڭىل بولگەنىنە جيىرما جىلداي ۋاقىت بولعان. العاشقىدا تاماعى اۋىرىپ، ابدەن مازاسى كەتكەن ول كۇندەردىڭ كۇنىندە جالاڭاياق جۇرۋگە شەشىم قابىلدايدى. ءتىپتى، سونىڭ سالدارىنان توسەك تارتىپ جاتىپ قالعان ۋاقىتى دا بولعان. قىس مەزگىلىندە قاردا جالاڭاياق جۇرگەنىنەن باستاپ سول اۋرۋىنان قۇلان- تازا جازىلىپ كەتتى. تىماۋدىڭ ءوزى تيمەيدى ەكەن.

 «مەنىڭ تاماعىم بوزبالا كۇنىمنەن اۋىراتىن. ءتىپتى، سۋ ىشكەندەي ءشولىم قانبايتىن كۇيگە ءتۇستىم. راس، وعان ءمان بەرمەي جۇرگەنمىن. بەرىدە ول مەنى كوبىرەك مازالاي باستادى. ودان قۇتىلۋدىڭ جولىن قاراستىرا باستادىم. جاستايىمنان كىتاپ وقىعاندى جانىم قالايدى. سونداي كۇندەردىڭ بىرىندە كىتاپتان تومەندەگى دەرەككە كوزىم ءتۇستى. وندا «ادام سۋىققا شىداسا، كوپتەگەن اۋرۋدان ايىعادى» دەگەن ءسوز بار ەكەن. ويلانىپ قالدىم. سودان كەيىن جالاڭاياق جۇرۋگە كوڭىل ءبولىپ كەلەمىن. سودان بەرى جيىرما جىلدان استى. مەن دە ءوزىمدى مازالاعان اۋرۋىمنان قۇتىلدىم. ارينە، گيگيەنا تۇرعىسىنان دۇرىس ەمەس شىعار ۇنەمى جالاڭاياق جۇرگەن دۇرىس ەمەس» ، - دەدى اباي ابىشيەۆ.

 سۋرەتشى اباي ابىشيەۆ اۋىلدان جىراق كەتكەن ەمەس. ءبىر جىلدارى وبلىس ورتالىعىنا بارىپ، ءبىراز ۋاقىت جۇمىس جاساپ كەلدى. دەگەنمەن، تۋعان توپىراققا قايتا ورالدى. قازىر اۋىلدا ءوز شىعارماشىلىعىن دامىتۋعا كوڭىل ءبولىپ كەلەدى. سۋرەتشىنىڭ قىلقالامىنان تۋعان «اقساق كيىك» ، «عارىش عالاماتى» ، «تانكيستەر» ، «جەكپە- جەك» سەكىلدى شىعارمالار كوپشىلىك تاراپىنان جوعارى باعاسىن الدى. ونىڭ ءاربىرى ءوز ايشىعىمەن، ءوز ناقىشىمەن ەرەكشەلەنەدى. قىلقالام شەبەرى سۋىق اۋا رايىنا شىدامدى. جىلى مەزگىلگە اسا شىداي بەرمەيدى. جازدا كولەڭكە جەر ىزدەيدى ەكەن.