ۋنيتازدا الاڭسىز وتىرعان ايەلدىڭ جامباسىن ۇلكەن جىلان شاعىپ الدى

وقيعا ونىڭ بريسبەن قالاسىندا تۇراتىن تۋىسىنىڭ ۇيىندە ورىن العان ريچاردستىڭ سوزىنشە، ول ءوزىنىڭ دەنەسىنە وتكىر زاتتىڭ تيگەنىن سەزىپ، ءوزىن باقا تىستەپ العان ەكەن دەپ ويلاعان. الايدا ارتىنشا باقانىڭ ءتىسى بولمايتىنى ەسىنە ءتۇسىپتى، دەپ حابارلايدى Daily Mail باسىلىمى.

«سول كۇيىمدە ورنىمنان اتىپ تۇرىپ، ۋنيتازعا قاراماق بولدىم» ، - دەيدى ول.

وسى كەزدە ايەل ۋنيتازدىڭ ىشىنەن ۇزىندىعى ءبىر جارىم مەتر بولاتىن پيتوندى كورىپتى. ول ايەلدى شاعىپ الىپ، دەنەسىن قاناتىپ جىبەرگەن. قاتتى شوشىعان ايەل ودان قورعانۋ ءۇشىن ۋنيتازدىڭ قاقپاعىن جاۋىپ، ونىڭ ۇستىنە گۇل قۇمىرالارىن قويىپتى. مۇنان كەيىن ريچاردس جىلان اۋلاۋشىلارعا حابارلاسقان. ءوز كەزەگىندە ول جىلاندى الىپ شىعىپ، سول ماڭداعى وزەنگە اعىزىپ جىبەرگەن.

«جىلان اۋلاۋشىلار كومانداسى 25  جىل بويى جۇمىس ىستەپ كەلەدى. الايدا ادام ۋنيتازدا وتىرعان كەزدە جامباسىن جىلان شاعىپ الدى دەگەندى ءبىرىنشى رەت ەستىپ تۇرمىز» ، - دەيدى جىلان اۋلاۋشى.

ءوز كەزەگىندە جىلان اۋلاۋشى وسىنداي جاعدايعا تاپ بولعان ادامدارعا جىلاندى ۇستاماۋعا جانە ۋنيتازدىڭ سۋىن اعىزباۋعا كەڭەس بەردى. سەبەبى، سۋدى اعىزعان جاعدايدا، جىلان قايتادان كارىز جۇيەسىنە تاپ بولادى. سونىمەن قاتار جىلان اۋلاۋشى رومبتى پيتوننىڭ ۋلى ەمەس ەكەنىن جانە ادامدار ءۇشىن قاۋىپتى ەمەستىگىن ەسكە سالدى.

Stan.kz