بيزنەستى تەكسەرۋشىلەردىڭ سانى قانشاعا ازايدى

كاسىپكەرلىكتى دامىتۋ دەپارتامەنتىنىڭ ديرەكتورى اسلانبەك جاقىپوۆتىڭ ايتۋىنشا، وسىدان ون جىل بۇرىن ەلىمىزدە  800000 مىڭ كاسىپكەر بولعان. سول كەزدە تەكسەرىستەردىڭ سانى  400000 عا دەيىن باراتىن. وتكەن جىلى وتاندىق بيزنەسمەندەردىڭ سانى 1,2 ميلليوننان استى. ال تەكسەرىستەردىڭ سانى  81000 عا دەيىن ازايدى. وسىلايشا، ون جىلدىڭ ىشىندە كاسىپكەرلەر كوبەيسە دە، تەكسەرىستەر 4,5 ەسەگە قىسقارىپ وتىر.

«بۇدان بولەك، بيزنەسكە قاتىستى تالاپتار دا كۇرت تومەندەدى. ماسەلەن، سانيتارلىق- ەپيدەميولوگيالىق نورمالار بويىنشا  11500 تالاپ بولسا، بۇگىندە نەگىزگى دەگەن 1800 تالاپ قالدى. بۇرىن ءورت قاۋىپسىزدىگى سالاسىندا 3 مىڭ تالاپ بولدى. قازىر وسى ساناتتاعى تالاپتاردىڭ سانى 870 كە دەيىن ازايدى. ال وندىرىستىك قاۋىپسىزدىك تالاپتارى  10000 نان 7300 گە دەيىن قىسقاردى. وسىنىڭ ناتيجەسىندە تەكسەرۋشىلەردىڭ سانى دا ازايىپ وتىر. اتاپ ايتقاندا، شتاتتىڭ 1000 تەكسەرۋشى قىزمەتى وڭتايلاندىرۋعا ۇسىنىلعان بولاتىن. وسى ۋاقىتقا دەيىن 600- وڭتايلاندىرىلدى» ، - دەدى ا. جاقىپوۆ استانادا وتكەن باسپا ءسوز ءماسليحاتىندا.

 ايتا كەتەيىك، بۇگىن ق ر ۇلتتىق ەكونوميكا مينيسترلىگى كاسىپكەرلەردى تەكسەرۋدىڭ جاڭا ءادىسىن ءتۇسىندىردى. بۇدان بولەك، الداعى ۋاقىتتا كاسىپكەرلەردىڭ قۇقىقتارىن بۇزعان مەملەكەتتىك ورگانداردى جازالاۋ شارالارى باستايدى. ول ءۇشىن ارنايى قوعامدىق قابىلداۋلار اشىلادى. وعان كەز كەلگەن بيزنەسمەن ءوز ارىزىن تاپسىرا الادى.