باۋىرجان بايبەك جاڭا اۆتوبۋس پاركىنىڭ قۇرىلىسىمەن تانىستى
الماتى. قازاقپارات - الماتى اكىمى باۋىرجان بايبەك جۇمىس ساپارى كەزىندە گازبەن جۇرەتىن 200 اۆتوبۋسقا قىزمەت كورسەتەتىن جاڭا اۆتوبۋس پاركىنىڭ قۇرىلىس قارقىنىن تەكسەردى، دەپ حابارلايدى قازاقپارات ءتىلشىسى.
«الماتى» الەۋمەتتىك كاسىپكەرلىك كورپوراتسياسىنىڭ باسشىسى مۇحيت ازىربايەۆ اكىمگە الاتاۋ اۋدانىندا سالىنىپ جاتقان اۆتوپارك قۇرىلىسىنىڭ 60 پايىزى اياقتالعانىن باياندادى. قازىردىڭ وزىندە تەحنيكالىق قىزمەت كورسەتۋ، اۆتوجۋۋ، ديسپەتچەرلىك قىزمەت، جاتاقحانا نىساندارى سالىنعان جانە بۇلارعا ىشكى ارلەۋ جۇمىستارى ءجۇرىپ جاتىر.
نىسان پايدالانۋعا تولىق بەرىلگەندە 650 جاڭا جۇمىس ورنى اشىلادى. گازبەن دانەكەرلەۋ جابدىقتارى ساتىپ الىندى. قۇرىلىستى بيىل جاز ايلارىنىڭ باسىندا اياقتاۋ جوسپارلانعان.
بۇگىن سونداي- اق، قالا باسشىسى «باتۋ travel» كومپانياسىنىڭ 130 اۆتوبۋسقا ارنالعان اۆتوبۋس پاركىنىڭ قۇرىلىسىن ارالادى. جوباعا 1,3 ميلليارد تەڭگە جەكە ينۆەستيتسيا تارتىلعان. اۆتوپارك الاتاۋ اۋدانىندا بوي كوتەرەدى. سونىمەن قاتار، يندۋستريالدى ايماق ماڭىندا قالانىڭ قوعامدىق كولىگىنە قىزمەت كورسەتەتىن كاسىپورىندار كلاستەرى پايدا بولادى.
جۇمىس ساپارى كەزىندە باۋىرجان بايبەك №99 باعىتتى جاڭارتۋ ءۇشىن «CityBus» اۆتوپاركى ساتىپ العان «Golden Dragon» ماركالى اۆتوبۋستاردى كوردى.
جاڭا ءۇش ەسىكتى، تومەن ەدەندى، كونديتسيونەرمەن، ەلەكتروندى تابلومەن، ۆيدەو كامەرامەن جابدىقتالعان ءارى ەۆرو-5 ەكولوگيالىق ستاندارتىنا ساي اۆتوبۋستار وسى سەنبى كۇنى ايگەرىم جانە كوكتوبە ەلدى مەكەندەرىنە قىزمەت كورسەتۋگە شىعادى.
«بيزنەستى دامىتۋ ءۇشىن ءبىز الماتىعا بەت بۇردىق، مۇندا نارىق ۇلكەن ءارى جايلى ينۆەستيتسيالىق احۋال ورنىققان، ونىڭ ۇستىنە تاسىمالداۋشىلارعا سۋبسيديا قاراستىرىلعان» ، - دەيدى «CityBus» ج ش س وكىلى امانگەلدى ءابدىراحمانوۆ.
ايتا كەتەرلىگى، الماتىدا جۇزەگە اسقان كولىك رەفورماسى بارىسىندا 2018 -جىلى قالا باعىتتارى بويىنشا 500 جاڭا اۆتوبۋستار جۇرە باستادى. بيىل قالانىڭ اۆتوبۋس پاركى قوسىمشا جاڭاراتىن بولادى. سونىمەن قاتار، «الماتى ەلەكتروترانس» ج ش س قارجىسى ەسەبىنەن گازبەن جۇرەتىن تاعى 200 جاڭا اۆتوبۋس الىنادى.
