اقتوبەلىك دارىگەرلەر جاڭا تۋعان ءسابيدىڭ جۇرەگىنە وتا جاسادى

اقتوبەنىڭ تەمىر اۋدانى، شۇبارقۇدىق اۋىلىندا 4 - قاڭتار كۇنى تۋابىتتى جۇرەك اقاۋىمەن حامزا ەسىمدى ءسابي دۇنيەگە كەلدى. دارىگەرلەر بىردەن تەلەمەديتسينا ارقىلى بايلانىسقا شىعىپ، كەڭەس بەردى. كارديوحيرۋرگتەر ساناۆياتسيا جىبەرۋ تۋرالى شۇعىل شەشىم قابىلداعان- دى. وبلىس ورتالىعىنا جەتكىزىلگەن بالاعا وتا جاسالدى.

 «ءسابي اقتوبە مەديتسينالىق ورتالىعىنىڭ بالالار ستاتسيونارى، كارديورەانيماتسيالىق بولىمشەسىنە ورنالاستىرىلدى. قوسىمشا تەكسەرۋ جۇرگىزىلىپ، سابيگە «وكپە ارتەرياسى كلاپانىنىڭ اترەزياسى» دياگنوزى قويىلدى. سىرقات سالدارىنان وتتەگى جەتپەي، بالانىڭ تەرىسى كوگەرىپ كەتكەن. كۇردەلى وتا كەزىندە قان اينالىمىن ءبىرقالىپقا ءتۇسىرۋ ءۇشىن جاساندى اپپارات ورناتىلدى. وتا ءساتتى اياقتالىپ، ءسابي ساۋىعىپ كەلە جاتىر. ءدارى- دارمەك جەتكىلىكتى، شاقالاق دارىگەرلەردىڭ ۇزدىكسىز باقىلاۋىندا. ءقازىر ناۋقاس ءسابي تابيعي جولمەن تىنىس الىپ جاتىر. بالا ۇزاق ەمدەلەدى ءارى جۇرەك ترانسپلانتاتسياسى قاجەت» ، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

 ايتا كەتەيىك، اقتوبە مەديتسينالىق ورتالىعىندا تۋابىتتى جۇرەك اقاۋىنا شالدىققان بالالارعا كومەك بەرۋ ءۇشىن ارنايى توپ قۇرىلعان. توپ ءۇش جىلدان بەرى تەك اقتوبە وبلىسى ەمەس، ەلىمىزدىڭ باتىس وڭىرىندەگى بالالارعا كومەك بەرىپ كەلەدى.