13:15, 22 - قاڭتار 2019 | GMT +6
دانيار ەلەۋسىنوۆتىڭ بيىل شارشى الاڭعا قاشان شىعاتىنى بەلگىلى بولدى
استانا. قازاقپارات - دانيار ەلەۋسىنوۆتىڭ وسى جىلعى العاشقى جەكپە-جەگى قاشان جانە قاي جەردە وتەتىنى انىقتالدى دەپ حابارلايدى sports.kz.
وتاندىق سپورتشى ءوزىنىڭ كاسىپقوي بوكستاعى التىنشى جەكپە-جەگىن 15-ناۋرىز كۇنى وتكىزۋى ءتيىس. بوكسشىنىڭ مەنەدجەرى زيا اليەۆتىڭ ايتۋىنشا، بۇل جولى دانيار ەلەۋسىنوۆ فيلادەلفيادا جۇدىرىقتاسپاق.
قازاقستاندىق بوكسشىنىڭ 2019-جىلداعى العاشقى قارسىلاسىنىڭ كىم بولارى ازىرگە بەلگىسىز.
ايتا كەتەيىك، دانيار ەلەۋسىنوۆ كاسىپقوي بوكستاعى ەڭ ءبىرىنشى كەزدەسۋىن وتكەن جىلدىڭ ءساۋىر ايىندا وتكىزگەن.