گەرمانيانىڭ سەگىز اۋەجايىندا ەرەۋىل بولادى

 بۇل تۋرالى كاسىپوداق ۇيىمىنىڭ دۇيسەنبىدەگى مالىمدەمەسىندە حابارلاندى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.

ماينداعى فرانكفۋرت، گاننوۆەر، برەمەن، گامبۋرگ، ميۋنحەن، لەيپتسيگ، درەزدەن جانە ەرفۋرت قالالارى اۋەجايلارىنىڭ قاۋىپسىزدىك قىزمەتكەرلەرى 15 - قاڭتار، سەيسەنبى كۇنى ەرەۋىلگە شىقپاق. سوعان بايلانىستى، اتالعان اۋەجايلار جۇمىسىندا ايتارلىقتاي ۇزىلىستەر بولۋى مۇمكىن.

Ver.di كاسىپتىك وداعى اۋەجايلاردىڭ قاۋىپسىزدىك قىزمەتتەرى جۇمىسشىلارىنىڭ جالاقىسىن كوتەرۋدى تالاپ ەتىپ وتىر. ۇيىم وكىلدەرىنىڭ پىكىرىنشە، كەلىسسوزدەر ءتورت راۋندقا سوزىلسا دا، جۇمىس بەرۋشىلەر كوڭىل كونشىتەرلىكتەي ۇسىنىستار جاساماعان.

تيمۋر دۇيسەكەيەۆ