گولوۆكينمەن كەلىسسوزدەر باستالدى: الۆارەستىڭ پروموۋتەرى ءۇشىنشى جەكپە-جەك جونىندە ايتتى
«سينكو دە مايو» - لاس-ۆەگاستا وتەتىن بوكستاعى ەڭ ۇلكەن ۋيك-ەند. سوندىقتان ءبىز گولوۆكينمەن كەلىسسوزدەردى باستادىق. دەگەنمەن، «كانەلو» بارلىعى ءۇشىن اشىق. «كانەلو» ەڭ مىقتى اتانۋ ءۇشىن كىممەن بولسا دا كەزدەسۋگە دايىن. كەلىسسوزدەر قايدا الىپ كەلەتىنىن كورەمىز. بوكسشىنىڭ بەدەلى ساراپقا سالىنعالى تۇر. ال «كانەلو» وتە تاكاپپار بوكسشى. سوندىقتان، بارلىق ايقاستارىنا جاقسى دايىندىقپەن كەلەدى. ول ءالى دە جاس، بار بولعانى 28 دە، الداعى جولى ۇزاق. دەگەنمەن، ول ەڭ مىقتىلارمەن جۇدىرىقتاسقىسى كەلەدى»، - دەدى دە لا حويا.
ەسكە سالايىق، بۇعان دەيىن وسكار دە لا حويا تۆيتتەردەگى اككاۋنتىندا Golden Boy Promotions كومپانياسىنىڭ پرەزيدەنتى ەريك گومەسكە گولوۆكينمەن كەلىسسوزدەردى باستاۋ تۋرالى تاپسىرما بەرگەنىن جازعان بولاتىن.
بۇدان بۇرىن ءۇشىنشى ايقاس 4- مامىردا لاس-ۆەگاستاعى (ا ق ش) T- Mobile Arena-دا ءوتۋى مۇمكىن ەكەنى ايتىلدى. قازاقستاندىق جانە مەكسيكالىق بوكسشىلاردىڭ ءبىرىنشى جانە ەكىنشى جەكپە-جەكتەرى سوندا وتكەن ەدى.
گولوۆكين-الۆارەس ىقتيمال تريلوگياسىنا كەيبىر بۋكمەكەرلىك كەڭسەلەر مىناداي كوتيروۆكا ۇسىنۋدا: الۆەرىستىڭ جەڭىسى - 1.47، گولوۆكيننىڭ جەڭىسى - 2.7 جانە تەڭ ناتيجە - 25.