بيىل مىڭعا جۋىق اۋىلعا جوعارى جىلدامدىقتى ينتەرنەت تارتىلادى

بۇل تۋرالى «سيفرلىق قازاقستان» مەملەكەتتىڭ باعدارلاماسىنىڭ فەيسبۋك پاراقشاسىندا ءمالىم ەتىلگەن، دەپ حابارلايدى قازاقپارات ءتىلشىسى.

حابارلامادا كورسەتىلگەندەي «قازاق تەلەكوم» - نىڭ دامۋ ستراتەگياسىنا قىزمەت كورسەتۋدىڭ ساپاسىن ارتتىرۋدان بولەك، بلوكچەيندى دامىتۋدىڭ پلاتفورماسى، ينتەرنەت تاراتۋ جانە «اقىلدى قالا» جوبالارى كىرەدى.

ەلىمىزدىڭ تەلەكوممۋنيكاتسيا سالاسىندا تاعى قانداي جاڭالىقتار ىسكە اسىرىلاتىنى تۋرالى «قازاق تەلەكوم» ا ق- نىڭ ستراتەگيالىق باسقارۋ بويىنشا باس ديرەكتورى باتىر ماحانبەتاجيەۆ مالىمدەگەن.

«وتكەن جىلى ءبىز ءۇشىن جاڭالىق مەملەكەتتىك-جەكە ارىپتەستىك بولدى، ول بويىنشا «قازاق تەلەكوم» تالشىقتى-وپتيكالىق جەلى بايلانىسىنىڭ قۇرىلىسى مەن اۋىلداردى كەڭجولاقتى ينتەرنەتپەن قامتاماسىز ەتۋگە جاۋاپتى.

جوبا بويىنشا نەگىزگى باسىمدىق 2019-جىلعا بەرىلمەك، بۇگىندە العاشقى بولىپ ش ق و جانە پاۆلودار وبلىستارىنىڭ مەملەكەتتىك مەكەمەلەرىنە كەڭجولاقتى ينتەرنەت قوسىلدى. جوبانى جۇزەگە اسىرۋ بارىسىندا ەلىمىزدىڭ 828 اۋىلىندا كەڭجولاقتى ينتەرنەت پايدا بولۋى ءتيىس»، - دەيدى ول.

سونىمەن قاتار، ونىڭ ايتۋىنشا سوڭعى جىلدارداعى نارىقتاعى باستى تەندەنتسيانىڭ ءبىرى - موبيلدىلىك بولىپ وتىر. 2018-جىلى موبيلدىك قۇرىلعىلار جانە براۋزەردەن ءموبيلدى قوسىمشالارعا كوشۋ ترەندكە اينالدى. بۇگىندە قازاقستاندا سمارتفونداردىڭ ۇلەسى %50 قۇرايدى.

«بيىلعى جىلدىڭ تاعى ءبىر ماڭىزدى جاڭالىعى، قازاقستان الەۋمەتتىك مەديا قولدانۋشىلار سانى جوعارى قارقىنمەن ءوسىپ وتىرعان ەلدەردىڭ وندىعىنا ەندى. بۇگىندە Netflix ينتەرنەتتەگى بارلىق ۆيدەو ترافيكتىڭ %15 قامتاماسىز ەتسە، Facebook پەن Instagram بىرىگىپ %80 الەۋمەتتىك جەلىنىڭ ترافيگىن قامتيدى. ال Amazon-نىڭ Alexa اتتى دىبىس كومەكشىسى تانىمالدىلىعى جاعىنان Siri- باسىپ وزدى»، - دەدى «قازاق تەلەكوم» وكىلى.

ودان بولەك، ب. ماحانبەتاجيەۆ «قازاق تەلەكوم» - نىڭ ينتەرنەت تاراتۋمەن قاتار بلوكچەين، «اقىلدى قالا»، «اقىلدى ءۇي» جانە باسقا دا باعىتتارى يننوۆاتسيالىق بيزنەستىڭ پلاتفورماسىنا اينالاتىنىن ايتىپ ءوتتى.