مۇعالىمدەردىڭ مارتەبەسى تۋرالى زاڭنىڭ قاشان قابىلداناتىنى بەلگىلى بولدى
بۇل تۋرالى بۇگىن ەلورداداعى №59 مەكتەپتە وتكەن قوعامدىق تىڭداۋ بارىسىندا ق ر ءبىلىم جانە عىلىم ۆيتسە- ءمينيسترى ەلميرا سۋحانبەرديەۆا ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا، قازىرگى ۋاقىتتا قۇجات مەملەكەتتىك ورگاندار مەن اكىمدىكتەردىڭ كەلىسىمىنەن وتۋدە. سونىمەن قاتار مۇعالىمدەردەن ۇسىنىس قابىلداۋ جۇمىسى دا جالعاسۋدا. جالپى، زاڭ جوباسى اقپان ايىندا پارلامەنت ءماجىلىسى دەپۋتاتتارىنىڭ قاراۋىنا ەنگىزىلەدى. وعان دەيىن ۇكىمەتتە تالقىعا تۇسەدى.
"اقپان ايىنىڭ باسىندا زاڭ جوباسى ماجىلىسكە ەنگىزىلىپ، وندا دەپۋتاتتار قۇجاتتى ارى قاراي وڭدەيدى. سودان كەيىن سەناتتىڭ قاراۋىنا وتەدى. ال ماۋسىمدا ەلىمىزدىڭ پرەزيدەنتى اتالعان زاڭ جوباسىنا قول قوياتىن بولادى. وعان دەيىن 300 مىڭ پەداگوگ ونى تىڭعىلىقتى وقىپ، زەردەلەپ، ءوز ۇسىنىستارىن ەنگىزۋلەرى قاجەت"، - دەدى ۆيتسە- مينيستر.
ە. سۋحانبەرديەۆانىڭ سوزىنە قاراعاندا، زاڭ جوباسىمەن 60 تان استام ءمۇعالىم جۇمىس ىستەدى. ولاردىڭ قاتارىندا بارلىق ساناتتاعى ۇستازدار بولدى.
"توپ شەتەلدەردىڭ، ونىڭ ىشىندە فينليانديانىڭ ۇقساس زاڭدارىن زەردەلەپ شىقتى. دەگەنمەن، نەگىز رەتىندە ت م د- نىڭ پەداگوگ مارتەبەسى تۋرالى مودەلدىك زاڭى الىندى جانە وسى زاڭعا ءبىز ءوزىمىزدىڭ تۇزەتۋلەرىمىزدى ەنگىزدىك"، - دەدى ول.
ونىڭ دەرەگىنشە، زاڭ جوباسىن ازىرلەۋ بارىسىندا 8 مىڭنان استام ۇسىنىس تۇسكەن. قازىرگى ۋاقىتتا زاڭ جوباسى زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ تالقىلاۋىنان وتكەن.
"ادىلەت ءمينيسترى ونى كۇردەلەندىرمەۋدى ءوتىندى. كەز كەلگەن زاڭنىڭ زاڭدىق تۇرعىدا ساۋاتتى جازىلاتىندىعى تۇسىنىكتى. دەگەنمەن، بۇل زاڭ مۇعالىمدەرگە ارنالعاننان كەيىن وسىنداي ءوتىنىش بولدى. بۇل زاڭنىڭ ءاربىر مۇعالىمگە قولجەتىمدى ءارى تۇسىنىكتى بولۋى ءۇشىن جاسالدى"، - دەدى ول.