قاتتى ايازدا اداسقان قارت ايەل قاردان پانا جاساپ، امان قالعان
استانا. قازاقپارات - پەرم قالاسىنان كەلگەن تۋريست ايەل چەليابى وبلىسىنىڭ تاۋلارىندا اداسىپ، دالادا وت جاعىپ تۇنەپ شىققان.
«تاگاناي» ۇلتتىق ساياباعى باسپا ءسوز قىزمەتىنىڭ حابارلاۋىنشا، ۇلتتىق ساياباققا پەرم قالاسىنان ءبىر توپ الپينيست سپورتشىلار كەلىپ، وسىنداعى شىڭعا شىقپاق بولدى.
7 -قاڭتار كۇنى تاڭەرتەڭ الپينيستەر توبى شىڭدى باعىندىرۋعا اتتانادى. الايدا ساياحاتتان ورالعاننەن كەيىن ارالارىندا ءبىر تۋريست ايەل جوق بولىپ شىققان. الپينيستەر وزدەرىنىڭ ىزدەۋ شارالارى ەش ناتيجە بەرمەگەن سوڭ، قۇتقارۋشىلاردان كومەك سۇراعان. 8 -قاڭتاردىڭ تاڭىندا زلاتوۋسوۆسكي ىزدەۋ- قۇتقارۋ جاساعىنىڭ قىزمەتكەرلەرى جوعالعان تۋريست ايەلدى ىزدەپ تاپتى.
تۋريست ايەل الپينيستىك داعدىلارىنىڭ ارقاسىندا امان قالعان. اداسىپ كەتكەنىن، ال تەلەفونى مەن قالتا شامى ءسونىپ قالعانىن تۇسىنگەن ول وزىنە قاردان پانا جاساپ، قالتاسىندا قالعان شاقپاقپەن مازداتا وت جاعىپ جىلىنىپ وتىرعان.