ەلوردالىقتاردىڭ ورتاشا جالاقىسى قالاي ەسەپتەلەدى؟
استانا قالالىق ستاتيستيكا دەپارتامەنتى باستىعىنىڭ مىندەتىن اتقارۋشى جانار سەرىكبايەۆا بۇل مالىمەتتەردىڭ قايدان الىناتىنىن ايتىپ بەردى، دەپ حابارلايدى قازاقپارات قالالىق ىشكى ساياسات باسقارماسىنا سىلتەمە جاساپ.
جانار سەرىكبايەۆانىڭ ايتۋىنشا، بۇل مالىمەت قالاداعى تىركەلگەن كاسىپورىندار، سونىڭ ىشىندە ۇلتتىق كومپانيالار، مينيسترلىكتەر، ءىرى كاسىپورىنداردىڭ باس كەڭسەلەرى توقسان سايىن تاپسىرىپ وتىراتىن 1-ت (ەڭبەك بويىنشا ەسەپ) ستاتيستيكالىق فورماسىن تالداۋ ساراپتاماسى بويىنشا قۇرىلادى.
ستاتيستيكا دەپارتامەنتىنىڭ مالىمەتىنشە، استانادا 2019-جىلدىڭ 1- قاڭتارىندا 73 مىڭنان استام زاڭدى تۇلعا، فيليال، وكىلدىكتەر جانە 98 مىڭعا جۋىق جەكە كاسىپكەرلىك سۋبەكتىسى تىركەلگەن.
«استاناداعى قىزمەتكەردىڭ ورتاشا ايلىق كەسىمدى جالاقىسى 2018-جىلدىڭ قاڭتار-قىركۇيەك ايلارىندا 233163 تەڭگەنى قۇراعان. بۇل مالىمەت ءبىزدىڭ توقسان سايىن قالادا تىركەلگەن كاسىپورىندار مەن زاڭدى تۇلعالاردان جيناپ وتىراتىن ستاتيستيكالىق ۇلگىلەرگە نەگىزدەلىپ وتىر. ولار 1-ت فورماسى بويىنشا ەسەپتەلەدى. ودان كەيىن ءبىز ءبىر قىزمەتكەردىڭ ورتاشا جالاقىسىن ەسەپتەيمىز. ول ەسەپتەلگەن جالاقى قورى سوماسىن (لاۋازىمدىق قىزمەتاقى، قوسىمشا تولەم، ۇستەمە، سىياقى جانە باسقا دا تولەمدەر، سالىقتار مەن باسقا شەگەرىلگەن سومالاردى) قىزمەتكەرلەردىڭ سانىنا جانە ەسەپتىك كەزەڭدەگى ايلاردىڭ سانىنا ءبولۋ جولىمەن انىقتالادى»، - دەپ ءتۇسىندىردى ج. سەرىكبايەۆا.
ول سونداي-اق، ەلوردادا بارلىق ءىرى كاسىپورىندار، ۇلتتىق كومپانيالاردىڭ باس كەڭسەلەرى، مينيسترلىكتەر، شاعىن جانە ورتا بيزنەس سۋبەكتىلەرى ورنالاسقانىن ەسەپكە الۋ كەرەك ەكەنىن اتاپ ءوتتى.
ورتاشا ايلىق جالاقى تۋرالى رەسمي ستاتيستيكالىق مالەمىتتەردى stat.gov.kz سايتىنان قاراۋعا بولادى.