ءبىر كوزدى بۇزاۋعا تابىنعان ۇندىلەر الەمدى تاڭىرقاتتى
استانا. قازاقپارات - ءۇندىستاندا ءبىر كوزدى بۇزاۋ تۋىلدى. سيىر ءتولىن ەمىزۋدەن باس تارتقاننان كەيىن، جەرگىلىكتى تۇرعىندار بۇزاۋدى وزدەرى تاماقتاندىرۋدا، - دەپ حابارلايدى inshe.tv سايتىنا سىلتەمە جاساعان NUR. KZ.
وسىدان كەيىن ءبىر كوزدى بۇزاۋعا اۋىل تۇرعىندارى تابىنۋدى باستاپ كەتكەن. ولار بۇزاۋدى «قۇدايدىڭ بەرگەن تاڭعاجايىپ سىيى» دەپ ەسەپتەيدى.
ءتىپتى ەرەكشە بۇزاۋ جايلى بىلگەن ءۇندىستاندىقتار ەلدىڭ تۇكپىر-تۇكپىرىنەن كەلە باستاعان. ەندى ولار بۇزاۋدى قۇدايدىڭ بەرگەن تاڭعاجايىپ سىيى دەپ اتاپ، وعان تابىنىپ ءجۇر.
ال شىنىندا بۇزاۋ ادامدار مەن جانۋارلاردا بىردەي كەزدەسەتىن سيكلوكوپيا اۋرۋىنا شالدىققان.
بۇزاۋ سيىردىڭ ىشىندە جاتقاندا ميىنىڭ وڭ جانە سول بولىگى ءبىر-بىرىنەن اجىراماعان. ادەتتە مۇنداي اۋرۋعا شالدىققان جانۋارلار ءولى تۋادى نەمەسە تۋعاننان كەيىن ۇزاققا بارماي ولەدى.