ەلىمىزدە جورگەك پۇلدىڭ كولەمى ءوستى

 قازاقستاندا بالالى وتباسىلارىن الەۋمەتتىك قورعاۋ جۇيەسى ەىدۇ ەلدەرىنىنىڭ وسى سالاداعى نەگىزگى تاسىلدەرىمەن سايكەس (قولداۋدىڭ بىرنەشە ءتۇرى بار: اقاشالاي تولەمدەر، بالا كۇتىمى قىزمەتى، سالىق جەڭىلدىگى) قۇرىلعان. سونداي- اق، ادامنىڭ ءومىر ءسۇرۋىنىڭ بارلىق كەزەڭىندە قولداۋ كورسەتۋ پرينتسيپتەرىنە نەگىزدەلگەن (تۋعاننان زەينەتكەرلىككە شىققانعا دەيىن).

 قولدانىستاعى بالالى وتباسىلارىنا بەرىلەتىن جاردەماقىعا مىنالار كىرەدى:

ءبىرىنشى. تۋعاندا بەرىلەتىن ءبىرىڭعاي جاردەماقى.

2018 -جىلدىڭ 1 -جەلتوقسانىنا قاراعاندا وسىنداي جاردەماقى الاتىنداردىڭ سانى 332,3 مىڭ ادامدى قۇرادى. جاردەماقى سوماسى 34,2 ميلليارد تەڭگە (2017 -جىلى مۇنداي جاردەماقى الۋشىلار سانى 392 مىڭ 7743 ادامدى قۇرادى، جالپى سوماسى 34,7 ميلليارد تەڭگە). جاردەماقى كولەمى؛ ءبىرىنشى، ەكىنشى جانە ءۇشىنشى بالاعا - 91390 تەڭگە (2017 -جىلى - 86221 تەڭگە)؛ ءتورتىنشى جانە، ودان دا كوپ بالاعا - 151515 تەڭگە (2017 -جىلى- 142947 تەڭگە)

ەكىنشى. 1 جاسقا دەيىنگى بالا كۇتىمى ءۇشىن بەرىلەتىن اي سايىنعى جاردەماقى.

 2018 -جىلدىڭ 1 - جەلتوقسانىندا 1 - جاسقا دەيىن بالا كۇتىمى ءۇشىن بەرىلەتىن جاردەماقىمەن 125 مىڭ ادام قامتىلدى، ولارعا جالپى سوماسى 26,9 ميلليارد تەڭگە بولاتىن جاردەماقى بەرىلدى. بالا كۇتىمى ءۇشىن بەرىلەتىن جاردەماقى تۇرلەرى: ءبىرىنشى بالاعا -   13853 تەڭگە؛ (2017ج-13070 ت گ)؛ ەكىنشى بالاعا -   16379 تەڭگە (2017 ج- 15452 ت گ)؛ ءۇشىنشى بالاعا - 18880 تەڭگە (17 812)؛ ءتورتىنشى جانە ودان دا كوپ بالاعا -   21405 تەڭگە (20195 تەڭگە).

ءۇشىنشى. مۇگەدەك- بالالار تاربيەلەپ وتىرعان اتا- انالارعا، اسىراۋشىسىنا بەرىلەتىن جاردەماقى.

 بۇل تولەم 2010 -جىلدان باستاپ ەنگىزىلدى. 2018 -جىلى ونىڭ كولەمى  29699 تەڭگەنى قۇرادى. 2018 -جىلدىڭ 1 -جەلتوقسانىندا بۇل تولەمدى الاتىندار سانى ورتاشا العاندا 80,2 مىڭ ادامدى قۇرادى، جالپى سوماسى 26,9 ميلليارد تەڭگە (77,3 مىڭ ادام 24,4 ميلليون تەڭگە سوماسىنا).

ءتورتىنشى. بالا كۇنىنەن ءبىرىنشى توپتاعى مۇگەدەكتى كۇتۋ ءۇشىن بەرىلەتىن جاردەماقى.

 بۇل تولەم 2018 -جىلدىڭ 1 -شىلدەسىنەن باستاپ ەنگىزىلدى. تولەم كولەمى 2018 -جىلى 1,05 ەڭ تومەنگى كۇن كورىس دەڭگەيىن نەمەسە  29699 تەڭگەنى قۇرادى. ورتاشا العاندا 11,2 مىڭ ادام، 1,7 ميلليارد تەڭگە سومادا جاردەماقى الدى.

بەسىنشى. كوپبالالى انالارعا جانە كوپبالالى وتباسىنا بەرىلەتىن تولەمدەر.

ول كوپبالالى انالارعا، «التىن القا» ، «كۇمىس القا» نەمەسە بۇرىن «قاھارمان انا» اتاعىن العاندارعا، I جانە II دارەجەلى «انا داڭقى» وردەنىمەن ماراپاتتالعاندارعا اي سايىن بەرىلەتىن جاردەماقىلار.

 بۇل جاردەماقىنى الاتىندار سانى 40,2 ميلليارد تەڭگەگە 237 مىڭ وتباسىن قۇراپ وتىر (2017 -جىلى 239 مىڭ وتباسى 41,7 ميلليارد ەتڭگە سوماسىندا جاردەماقى العان) .

الەۋمەتتىك قولداۋ رەتىندە ءتورت جانە ودان دا كوپ كامەلەت جاسقا تولماعان بالالارىمەن تۇراتىن كوپبالالى وتباسىلارىنا ارنايى مەملەكەتتىك جاردەماقى قاراستىرىلعان. 2018 -جىلدىڭ 1 - جەلتوقسانىندا مۇنداي جاردەماقى الاتىندار سانى 30,1 ميلليارد تەڭگەگە 271,4 مىڭ وتباسىن قۇراپ وتىر (2017 -جىلى 266,5 مىڭ ادام 30,7 ميلليون تەڭگەنىڭ جاردەماقىسىن الدى).

التىنشى. م ا س ق- ڭ تولەمدەرى

2008 -جىلدان باستاپ جۇمىس ىستەپ جۇرگەن ايەلدەرگە مەملەكەتتىك الەۋمەتتىك ساقتاندىرۋ قورىنان مىنانداي سەبەپتەرمەن تابىس كوزىن جوعالتقانى ءۇشىن تولەنەتىن تولەمدەر:

 1) جۇكتىلىك جانە بالا تۋۋ -  2017 -جىلدىڭ قورتىندىسى بويىنشا 180,2 مىڭ ادام 62,6 ميلليارد تەڭگە جاردەماقى الدى. 2018 -جىلدىڭ 1 -جەلتوقسانىنا قاراعاندا 63,9 ميلليارد تەڭگەگە 175,1 مىڭ ادام جاردەماقى الدى.

 2) 1 جاسقا تولعانعا دەيىن بالا كۇتىمىمەن وتىرعاندار - 2017 -جىلدىڭ قورتىندىسى بويىنشا 225,3 مىڭ ادام جالپى سوماسى 74,1 ميلليارد تەڭگە، ال 2018 -جىلدىڭ 1 - جەلتوقسانىندا 234,2 مىڭ ادام جالپى سوماسى 88 ميلليارد تەڭگەگە جاردەماقى الدى.