لوندونداعى حايۋاناتتار پاركى جانۋارلاردى ساناۋعا كىرىستى

 جۇمىس وڭاي ەمەس. سەبەبى مۇندا جانۋارلاردىڭ 700 دەن استام ءتۇرى بار. پاركتە سۋماترا جولبارىسىنان باستاپ ەرگەجەيلى ەشكىلەر، ءتيىن مەن مايمىلدار دا ءومىر سۇرەدى. ال ولار ءبىر ورىندا وتىرمايدى. سوندىقتان جانۋارلاردى ەسەپتەۋ ءۇشىن ءتۇرلى ءادىس قولدانىلادى.

جينالعان اقپارات الەمدەگى وزگە حايۋاناتتار پاركتەرىنە جىبەرىلەدى. بۇل جەر بەتىنەن جويىلىپ بارا جاتقان جانۋارلاردى قورعاۋ ءۇشىن قاجەت. ال ساناقتىڭ ءوزى 1 اپتاعا سوزىلادى.

 ايتا كەتكەن ءجون، لوندون حايۋاناتتار پاركى الەمدەگى ەڭ ەجەلگى عىلىمي حايۋاناتتار ورنى بولىپ سانالادى. 1828 -جىلى سالىنعان پاركتىڭ ەسىگى تۇرعىندار ءۇشىن 20 جىلدان كەيىن اشىلدى.

 اندجەلا رايان، لوندون حايۋاناتتار پاركىنىڭ وكىلى:

- ساناق جىل سايىن جۇرگىزىلەدى. وتكەن جىلى پاركتەگى جانۋارلاردىڭ سانى 19 مىڭ 289 بولعان. بيىل ولاردىڭ سانى قانشا بولاتىنىن وسى ەسەپتەۋدەن كەيىن بىلەمىز. بۇل ىستە ەڭ قيىنى جانۋاردى ەكى رەت ساناپ قويۋ نەمەسە مۇلدەم ساناماي كەتۋ.

www.24.kz