ترامپ ا ق ش حالقىنا شۇعىل تۇردە ۇندەۋ جولداماقشى

بۇل تۋرالى The New York Times حابارلايدى.

اقپاراتقا سايكەس، پرەزيدەنت ءوۆالدى كابينەتتەن پرايم- تايم كەزىندە ءسوز سويلەيتىن بولادى.

ايتا كەتەيىك، دونالد ترامپ «مەكسيكامەن ارادا قالايدا قورشاۋ تۇرعىزامىن»، - دەپ ايتقانىنان قايتار ەمەس. ا ق ش ۇكىمەتى 22 - جەلتوقساننان بەرى جارىتىپ جۇمىس ىستەگەن جوق. ويتكەنى مەملەكەتتىك مەكەمەلەردىڭ % 25 قارجىلاندىرۋ توقتاتىلعان. 800 مىڭ قىزمەتكەر وتەماقىسىز دەمالىستا ءجۇر. بۇعان كونگرەستىڭ بيۋدجەتتى بەكىتۋدە ورتاق مامىلەگە كەلە الماۋى سەبەپ. ول قۇجاتتا دونالد ترامپ قازىنادان 5 ميلليارد دوللار ءبولىپ، مەكسيكامەن ارادا قورشاۋ تۇرعىزۋدى تاپسىرعان. ال دەموكراتتار «قىرۋار قارجىنى جەلگە شاشپايمىز» دەگەن كەيىپتە.

 وسىلايشا، كونگرەستە تاراپتاردىڭ پىكىرى قاق جارىلىپ، ءتىپتى اق ءۇي باسشىسى ەلدە توتەنشە جاعداي جاريالايتىندىعىن جەتكىزدى.

 دونالد ترامپ، ا ق ش پرەزيدەنتى:

 - مەن العان ماقساتىمنان قايتپايمىن. ەگەر دەموكراتتار مەملەكەتتىك بيۋدجەتتى بەكىتپەسە، «شاتداۋن» ايلاپ، جىلداپ جالعاسا بەرەدى. ءبىز قالاي دا مەكسيكامەن ارادا قورشاۋ تۇرعىزۋىمىز كەرەك. ول ارقىلى ەلدى قاۋىپسىز ەتەمىز. بۇل بولماعان جاعدايدا، ەلدە توتەنشە جاعداي جاريالاسام دا، ايتقانىمدى ورىندايمىن.

اق ءۇي باسشىسىنىڭ رايىنان قايتۋى ەكىتالاي. دەموكراتتار دا ايىلىن جيار ەمەس. 3 - قاڭتاردا وتكەن كونگرەسستەگى ارالىق سايلاۋدان سوڭ كوك ەسەكتىلەر وكىلدەر پالاتاسىندا ۇستەمدىك ورناتقان ەدى. ال كەشە ءدال سول پالاتادا سپيكەرلىككە نەنسي پەلوسي تاعايىندالدى. دەمەك، ترامپ ەندى دەموكراتتارمەن كەڭەسۋگە مىندەتتى. ال كەشە جاڭا سپيكەر، ءبىرىنشى وتىرىسىندا- اق، وكىلدەر پالاتاسى دەڭگەيىندە بيۋدجەتتى بەكىتتى. تەك ول قۇجاتتا قورشاۋعا قاراجات قاراستىرىلماعان. دەگەنمەن، بۇل قۇجاتتى سەنات قابىلداماۋى مۇمكىن.

 نەنسي پەلوسي، وكىلدەر پالاتاسىنىڭ سپيكەرى:

 - پرەزيدەنتپەن ۇزاق ءارى قيىن كەلىسسوز جۇرگىزدىك. ول ايتقانىنان قايتار ەمەس. ءبىزدىڭ ويىمىزشا، قىرۋاق قارجىنى قورعان سالۋعا جۇمساۋدىڭ قاجەتى جوق. ۇكىمەتتى قارجىلاندىرىپ، مىڭداعان ادامدى جۇمىسىنا قايتارۋ كەرەك. «شاتداۋندى» ايلاپ، ءتىپتى جىلداپ سوزامىن دەيدى. بۇل ماسەلەنى شاتداۋىنسىز- اق شەشۋگە بولادى.

ءيا، دەموكراتتاردىڭ ۇستانىمى ايدان انىق. ولاردىڭ پىكىرىنشە، ميگرانتتار ەكونوميكانىڭ قوزعاۋشى كۇشى. ال دونالد ترامپ اكىمشىلىگى «ەلگە سىرتتان ادام كىرگىزبەيمىز» دەيدى. ءسويتىپ، كەشەگى كونگرەس تە ناتيجەسىز اياقتالدى. دەگەنمەن، ترامپ وزىنە سەنىمدى. ءتىپتى Instagram جەلىسىنە «يگرا پرەستولوۆ» ديزاينىنداعى ءوز سۋرەتىن جۇكتەپ قويدى. وندا «قورشاۋ جاقىندا ورناتىلادى» دەپ جازىلعان. ول بۇعان دەيىن دە يرانعا سانكسيا سالار الدىندا وسى ديزايندى قولدانىپ، الەۋمەتتىك جەلى قولدانۋشىلارىن شۋلاتقان ەدى. نە دەسە دە، ا ق ش ساياساتىنا سىزات تۇسكەنى انىق. ازىرگە بيۋدجەت بەكىمەيىنشە، مەملەكەتتىك مەكەمەلەر دە جۇمىسىنا كىرىسپەيدى.

​ www.24.kz