گابوندا اسكەريلەر توڭكەرىس جاساماق بولدى

بيلىك وكىلدەرى جاعدايدى باقىلاۋدا ۇستاپ وتىرعاندارىن ءمالىم ەتتى. بۇل تۋرالى قازاقپارات ru.euronews.com سايتىنا سىلتەمە جاساپ حابارلايدى.

اتالمىش پورتال تاراتقان اقپارات بويىنشا، باس كوتەرۋشىلەر قازان ايىنان بەرى ماروككودا ەمدەلىپ جاتقان ەل پرەزيدەنتى الي بەن بونگو ونديمبوعا قارسى باس كوتەرۋگە شاقىرعان. گابون تۇرعىندارى مەملەكەت باسشىسىن ول ەمدەلۋگە كەتكەلى العاش رەت 31- جەلتوقساندا تەلەديداردان كورگەن. الي بونگو ەل حالقىنا دەگەن قۇتتىقتاۋىن ماروككودان جولداعان.

باس كوتەرۋشى اسكەريلەر پرەزيدەنتتىڭ بۇل قىلىعىن شەكتەن شىققان نەمقۇرايلىلىققا باعالاپ، ەلگە قورعان بولماق ەدى.

الي بونگو گابوندى 2009-جىلدان بەرى باسقارىپ كەلەدى. ول و دۇنيەلىك بولعانشا، ياعني ەلدى 42 جىل باسقارعان اكەسىنىڭ ورنىنا كەلگەن. الي بونگو 2016-جىلى مەملەكەت باسشىلىعىنا ەكىنشى قايتارا سايلانعان كەزدە وپپوزيتسيا وكىلدەرى «بيلىك جالعان سايلاۋ وتكىزدى» دەپ قارسىلىق ءبىلدىردى.