عارىشكەرلەرگە جىلاۋعا تىيىم سالىنادى

تۋعانىنان بەرى جەردەگى ومىرگە يكەمدەلگەن ادامداردىڭ عارىش الەمىندەگى پسيحولوگيالىق كۇيى كىم- كىمدى بولسىن الاڭداتادى. سوندىقتان دا، ماماندار مۇمكىن بولاتىن بارلىق پسيحولوگيالىق اۋىتقۋلاردى قاراستىردى. ءارتۇرلى اۋىر ويلاردان ارىلىپ، وزىڭە كەلۋدىڭ بىردەن- ءبىر جولى - جىلاپ الۋ. مۇنى عالىمدار بىلەدى. ولار پسيحولوگيالىق قيىندىقتار تۋعان كەزدە، عارىشكەردىڭ جىلاپ الۋىنا قارسى بولمادى. ءتىپتى، كوز جاستى ەڭ كەرەكتى دەپ تاۋىپ، عارىشكەرلەرگە دە بىرنەشە رەت ەسكەرتتى.

وكىنىشكە وراي، تاجىريبەدە ءبارى دە باسقاشا بولىپ شىقتى. شتاتتىق عالىمدار تارتىلىس كۇشىنىڭ جوق ەكەندىگىن ەسكەرمەگەن ەكەن. «مير» ستانتسياسىنداعى تاجىريبەلەر بارىسىندا جىلاۋعا بەل بۋعان عارىشكەرلەر كوز جاستىڭ كوزدەن اقپاي، ۇساق دوڭگەلەكتەر قالپىندا ساقتالىپ قالاتىندىعىن بايقاعان. تۇزدى سۇيىقتىق كوزدە قالىپ قويدى. مۇنىمەن قويماي، ول تارتىلىس كۇشىنسىز بويدا تىتىركەنۋلەردى تۋعىزىپ، ءىشتى قىزدىرعان ەكەن. سودان بەرى دەنساۋلىقتا قيىندىقتار تۋعىزباس ءۇشىن، عارىشكەرلەرگە جىلاۋعا "تىيىم سالىنادى".

Massaget.kz