بوكسشى ءبىر سوققىمەن مەملەكەتتىك كۇزەت باسقارماسىنىڭ قىزمەتكەرىن ءولتىرىپ تاستادى
استانا. قازاقپارات - كيەۆ قالاسىنىڭ ورتالىعىندا توبەلەس كەزىندە ۋكراينانىڭ مەملەكەتتىك كۇزەت باسقارماسىنىڭ قىزمەتكەرى كوز جۇمدى دەپ حابارلايدى lenta.ru سايتىنا سىلتەمە جاساعان NUR. KZ.
باسىلىمنىڭ مالىمەتىنشە، قاقتىعىس ەكىنشى قاڭتار كۇنى ساپەرنوە پولە كوشەسىندەگى تۇرعىن ءۇي كەشەنىنىڭ اۋلاسىندا بولعان.
جابىرلەنۋشى يتتەرىن سەرۋەندەتىپ جۇرگەن ەر اداممەن جانجالداسىپ قالعان. ۇرىس كەزىندە ەر ادام جابىرلەنۋشىنى جاعىنان سوققان. ەر ادام جەرگە سۇلق قۇلاعان.
وقيعا ورنىنا جەتكەن مەديتسينا قىزمەتكەرلەرىنىڭ ارەكەتتەرىنە قاراماستان، ەر ادام ەسىن جيماستان ءتىل تارتپاي كەتكەن.
قايتىس بولعان ادام 26 جاستاعى مەملەكەتتىك كۇزەت باسقارماسىنىڭ قىزمەتكەرى ەكەنى انىقتالعان. ول مەملەكەتتىڭ تۇلعالاردى قورعاۋمەن اينالىسقان.
«ۆەستي ۋكراينا» باسىلىمىنىڭ حابارلاۋىنشا، ادام ءولتىردى دەگەن كۇدىككە ىلىنگەن ەر ادام سول تۇرعىن ءۇي كەشەنىندە تۇراتىن بوكسشى پەتر وچەرەتيانىي بولىپ شىققان. ونىڭ اۋىر سالماقتا جەكپە-جەك وتكىزىپ، ۋكراينانىڭ كاسىبي بوكس ليگاسىندا ونەر كورسەتىپ جۇرگەنىنە ون جىل بولىپتى.
قازىرگى تاڭدا اتالمىش فاكتى بويىنشا ۋكراينانىڭ قىلمىستىق كودەكسىنىڭ 115- بابىنىڭ 1- تارماعى (قاساقانا ادام ءولتىرۋ) بويىنشا قىلمىستىق ءىس قوزعالدى. پوليتسيا كۇدىكتىنى ىزدەستىرىپ جاتىر.