باتىس قازاقستانداعى زەلەنوۆ اۋدانىنىڭ اتاۋى بايتەرەك بولىپ وزگەردى
ق ر ۇكىمەتىنىڭ 2018 -جىلعى 21 - جەلتوقسانداعى قاۋلىسىنا سايكەس، ب ق و- داعى زەلەنوۆ اۋدانى بۇدان بىلاي بايتەرەك دەپ اتالاتىن بولدى. وسىعان وراي بۇگىن وبلىس اكىمى التاي كولگىنوۆ اۋداندا بولىپ، ارداگەرلەر، جاستار جانە زيالى قاۋىم وكىلدەرىمەن كەزدەسىپ، جۇرتشىلىقتى قۋانىشتى وقيعامەن قۇتتىقتادى.
ءوڭىر باسشىسى ەلباسى تاپسىرمالارىنا وراي وبلىستا كوپتەگەن جۇمىستار جاسالعانىن اتاپ ءوتتى. سونىڭ ىشىندە اۋداننىڭ ۇستىمەن وتەتىن ورال- تاسقالا- ر ف شەكاراسى جولى پايدالانۋعا بەرىلدى. جول سالۋ، سۋ، گاز قۇبىرىن تارتۋ جۇمىستارى بيىل دا جالعاسادى.
ەسكە سالا كەتەيىك، بۇدان بۇرىن زەلەنوۆ اۋدانىنىڭ اتاۋىن وزگەرتۋ تۋرالى ۇسىنىستىڭ دەپۋتاتتار تاراپىنان قولداۋ تاپقانىن جازعان بولاتىنبىز.
اۆتور: ەلجان ەرالى