قىتايدىڭ عارىش اپپاراتى ايدىڭ قاراڭعى جاعىنا قونادى

قىتايدىڭ مەملەكەتتىك CGTN تەلەارناسىنىڭ 2- قاڭتار كۇنى حابارلاۋىنشا، «چانە-4» اپپاراتى 3- قاڭتاردا باعىتىن وزگەرتىپ، ايدىڭ قاراڭعى جاعىنا قونادى. ايدىڭ قاراڭعى جاعىنا بۇعان دەيىن ءبىر دە ءبىر ەلدىڭ عارىش اپپاراتى قونباعان.

China Daily اگەنتتىگىنىڭ حابارلاۋىنشا، «چانە-4» اپپاراتى 29-30- جەلتوقسان كۇندەرى اي وربيتاسىنا ءوتىپ، اي بەتىنەن 15 كيلومەتر قاشىقتا ۇشقان.

ايدى زەرتتەيتىن اپپارات 8- جەلتوقساندا قىتايدىڭ وڭتۇستىك-باتىسىنداعى سيچان كوسمودرومىنان Long March 3B زىمىرانىمەن ۇشىرىلعان. اپپاراتقا تىركەلگەن روبوت ايدىڭ بەتىن زەرتتەيدى جانە وندا تاجىريبەلەر جۇرگىزەدى.

قىتاي 2013-جىلى جەلتوقساندا ايعا العاشقى «چانە-3» اپپاراتىن قوندىرعان ەدى. الايدا، تەحنيكالىق قيىندىقتارعا بايلانىستى اپپارات ءبىر ايدان سوڭ ىستەن شىققان.

ا ق ش، ءۇندىستان، جاپونيا جانە رەسەي دە تاياۋ جىلدارى ايدى زەرتتەيتىن عارىش اپپاراتتارىن ۇشىرۋدى جوسپارلاپ وتىر. ا ق ش 1969-1972-جىلدارى ايعا 12 اپپارات قوندىرعان. زەرتتەۋ اپپاراتتارى ايدىڭ قاراڭعى جاعىن سۋرەتكە تۇسىرگەنىمەن، ولاردىڭ ءبىر دە ءبىرى ول جاققا قونباعان.

«ازاتتىق»