تايلاندتا تىنىعىپ جاتقان قازاقستاندىقتارعا اباي بولۋ ەسكەرتىلدى

ويتكەنى، تايلاند جاعالاۋىنا «پابۋك» تروپيكالىق داۋىلى جاقىنداپ كەلە جاتىر، دەپ حابارلايدى قازاقپارات ەلشىلىكتىڭ باسپا ءسوز قىزمەتىنە سىلتەمە جاساپ.

«قۇرمەتتى وتانداستار! بارىنشا اباي بولىپ، قاۋىپسىزدىك شارالارىن ساقتاۋدى سۇرانامىز. وڭتۇستىك قىتاي تەڭىزىنەن باستالعان «پابۋك» تروپيكالىق داۋىلى قازىر سپراتلي ارالدارىنىڭ وڭتۇستىك- باتىسىندا، ول سيام شىعاناعىنا بارىنشا جاقىنداپ كەلە جاتىر. 5- قاڭتار كۇنى داۋىل تايلاند جاعالاۋىنا جەتەدى»، - دەلىنگەن ەلشىلىكتىڭ ەسكەرتپەسىندە.

ەلشىلىكتىڭ مالىمەتىنشە، 3, 4- قاڭتار كۇندەرى سۋراتتحاني، ناكحونسيتحاممارات، پحاتتحالۋنگ، سونگكحلا، پاتتاني، يالا، ناراتحيۆات، كرابي، ترانگ جانە ساتۋن پروۆينتسيالارىندا نوسەر جاڭبىر جاۋادى. ال 4-5- قاڭتاردا پحەتبۋري، پراچۋاپكحيريكحان، ناكحونسيتحاممارات، پحاتتحالۋنگ، سونگكح لا، پاتتاني، يالا، ناراتحيۆات، رانونگ، پحانگنگا، پحۋكەت، كرابي، ترانگ جانە ساتۋن پروۆينتسيالارىندا جاۋىن-شاشىن كۇتىلەدى.