رەسەيدەگى اپات: ءۇيىندى استىندا قالعان ون ايلىق ءسابي ءتىرى تابىلدى
ماگنيتوگورسك. قازاقپارات - رەسەيدىڭ ماگنيتوگورسك قالاسىندا قۇلاعان ءۇيدىڭ استىنان قۇتقارۋشىلار ون ايلىق ءسابيدى الىپ شىقتى.
بۇل تۋرالى ت ا س س اگەنتتىگى حابارلادى. اگەنتتىكتىڭ حابارلاۋىنشا، ءسابيدىڭ جاعدايى اۋىر دەپ باعالانۋدا.
«ءۇيىندى استىنان قۇتقارىلعان ءسابيدى ەمحاناعا اپارا جاتىرمىز. جاعدايى اۋىر»، - دەدى اگەنتتىككە جەدەل جاردەم قىزمەتىنىڭ ماماندارى.
بەلگىلى بولعانداي، ءسابيدىڭ امان قالۋىنا بالانىڭ كەرۋەتى مەن جىلى كيىمدەر ءوزىنىڭ اسەرىن تيگىزگەن.
ەسكە سالساق، رەسەيدىڭ ماگنيتوگورسك قالاسىنداعى كوپ قاباتتى ۇيدە جارىلىس بولىپ، سالدارىنان 7 ادامنىڭ مەرت بولعانى تۋرالى حابارلاعان بولاتىنبىز.