ديماش قۇدايبەرگەن بىرنەشە ەلدىڭ جاڭاجىلدىق شارالارىنا قاتىستى

استانا. قازاقپارات - ديماش قۇدايبەرگەن بىرنەشە ەلدىڭ تەلەارنالارىنداعى جاڭاجىلدىق باعدارلامالارىنا قاتىستى، دەپ حابارلايدى قازاقپارات.

ديماش Instagram جەلىسىندەگى رەسمي پاراقشاسىندا «Qazaqstan» ۇلتتىق ارناسىندا ونەر كورسەتىپ، فوتوسۋرەتتەرىن جاريالاعان. سونىمەن قاتار، ءانشى «روسسيا 1» ارناسىنىڭ ەفيرىنە شىققان ۆيدەونى دا كوپشىلىك نازارىنا ۇسىندى.

بۇدان بولەك، ول قىتايلىق «Beijing TV» تەلەارناسىنداعى باعدارماعا قاتىستى. «Beijing TV ارناسىنىڭ جاڭا جىلدىق ءتۇسىرىلىمىن اياقتادىق. 41-قاباتتا تۇسىردىك»، - دەپ جازدى د. قۇدايبەرگەن.

«2019 جاڭا جىلمەن قۇتتىقتايمىن! جاڭا جىل كوپتەگەن جاقسىلىق الىپ كەلسىن! كوپتەگەن سىڭعىر كۇلكىمەن قارسى السىن! ءار ءبىر سەكۋند سايىن باقىت، ءار ءبىر كۇن سايىن باقىت، ءار جىل سايىن باقىتتى بولىڭدار. دەنساۋلىقتارىن مىقتى بولسىن!»، - دەيدى ءانشى.