بىرىككەن اراب امىرلىگىندە قۇتقارۋشىلار مىنگەن تىكۇشاق اپاتقا ۇشىرادى
استانا. قازاقپارات - بىرىككەن اراب امىرلىگىنىڭ سولتۇستىگىندەگى راس- ەل- حايما ەميراتىندا قۇتقارۋشىلار مىنگەن تىكۇشاق اپاتقا ۇشىراپ، ءتورت ادام قازا تاپتى، دەپ حابارلايدى WAM اقپاراتتىق اگەنتتىگى.
ەكيپاج مۇشەلەرىنىڭ بارلىعى اجال قۇشقان، ءبىراق بورتتا قانشا ادام بولعانى ايتىلماي وتىر.
ال ب ا ءا ۇلتتىق ىزدەۋ- قۇتقارۋ ورتالىعىنىڭ مالىمدەمەسىنە قاراعاندا، تىكۇشاق بورتىندا امىرلىكتىڭ ءۇش ازاماتى - ەكى ۇشقىش، سونداي- اق شەتەلدىك دارىگەر بولعان. ءبارى اۋە اپاتىنان قازا تاپتى.
AgustaWestland AW139 تىكۇشاعى ەلدىڭ ەڭ بيىك نۇكتەسى - دجەبەل دجايس تاۋىندا قۇتقارۋ وپەراتسياسى كەزىندە قۇلاعان.
وقىس وقيعانى كورگەندەردىڭ ايتۋىنشا، تىكۇشاق جاقىندا عانا اشىلعان تاۋدان جىلدام تۇسۋگە ارنالعان اسپا جول - زيپلاينعا سوعىلعان بولۋى مۇمكىن.
راس- ەل- حايما امىرلىگى اپاتتىڭ سەبەپ- سالدارىن تەكسەرۋ جۇمىستارىن جۇرگىزىپ جاتىر.