الەۋمەتتىك جەلىدە تۇركىستاننىڭ كيەلى جەرلەرىن ناسيحاتتاعاندار ماراپاتتالدى

 ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى شەڭبەرىندە وتكەن بايقاۋعا قىزىعۋشىلىق جوعارى بولدى.

بايقاۋ جەڭىمپازدارىن تۇركىستان وبلىسىنىڭ اكىمى جانسەيىت تۇيمەبايەۆ ماراپاتتادى.

بايقاۋدىڭ ماقساتى - «بولاشاققا باعدار: رۋحاني جاڭعىرۋ» باعدارلاماسىنداعى «قازاقستاننىڭ كيەلى جەرلەرى گەوگرافياسى» جوباسىن جۇزەگە اسىرۋ جانە تۋعان جەردىڭ تۋريستىك الەۋەتىن كوتەرىپ، تاريحىن ناسيحاتتاۋ.

ۇمىتكەرلەر فەيسبۋك توبىندا ەڭ كوپ داۋىس جيناعان، ەڭ كوپ ءلۇپىل باسىلعان، ەڭ كوپ بولىسىلگەن كاتەگوريالارى بويىنشا ارنايى كوميسسيانىڭ شەشىمىمەن ىرىكتەلدى.

 ناتيجەسىندە، «كورەرمەندەر كوزايىمى» نوميناتسياسى مادينا سارىبالايەۆاعا بەرىلدى. 3-ورىنعا ءسابيت تاستانبەك، ەرلان سىزدىق لايىق دەپ تانىلدى. 2-ورىندى داۋرەن ايمانبەت جەڭىپ الدى. 1-ورىن اقمارال عاني قىزى مەن قايرات كارىبايەۆقا بۇيىردى. ال، باس جۇلدە نەسىبەلى يمانقۇلوۆا مەن عاني نازاربەككە تابىس ەتىلدى.

ايتا كەتەيىك، بايقاۋعا الەۋمەتتىك جەلىدە بەلسەندى كەز كەلگەن ازامات قاتىسا الدى. بايقاۋعا بيىلعى جىلدىڭ 14 - قىركۇيەگىنەن 12 - جەلتوقسانىنا دەيىن شىققان ماتەريالدار جاريالاندى.

 قاتىسۋشىلار ءۇش اي بويىنا ءوڭىردىڭ كيەلى مەكەندەرىن كەڭىنەن ناسيحاتتادى.