قىرعىزستاندا جۇزدەگەن سوتتالۋشى تۇرمەدەن بوسايدى
استانا. قازاقپارات - 2019 - جىلدىڭ 1 - قاڭتارىنان باستاپ قىرعىزستاندا جاڭا بەس كودەكس پەن ەكى زاڭ كۇشىنە ەنەدى. بۇل نورماتيكتىك قۇجاتتار قىلمىستىق زاڭنامانى ىزگىلەندىرىپ، 470 سوتتالۋشىنىڭ بوستاندىققا شىعۋىنا جول اشادى.
بۇل جايىندا قىرعىزستاننىڭ جازانى ورىنداۋ مەملەكەتتىك قىزمەتىنىڭ باسشىسى تاالايبەك جاپاروۆ مالىمدەدى.
«سونىمەن بىرگە، جازا مەرزىمدەرى قىسقارادى. قازىر جاڭا قۇجاتتار دايىندالىپ جاتىر، جاڭا جىلدىق مەرەكەدەن كەيىن سوت ورىندارىنا جىبەرىلەدى. پسيحولوگتار مەن الەۋمەتتىك قىزمەتكەرلەر سوتتالۋشىلاردىڭ ءىسىن زەرتتەگەننەن كەيىن، ولاردى تۇرمەدەن تىس جەردە تۇزەتۋ شارالارىن ۇسىنىپ، سوتقا جۇگىنۋگە بولادى. قاۋىپتى ەمەس قىلمىسكەرلەردى تۇرمەدە ۇستامايدى، ولارمەن ارنايى ماماندار جۇمىس ىستەيدى» دەدى جاپاروۆ.
جاڭا جىلدان باستاپ كۇشىنە ەنەتىن جاڭا قىلمىستىق كودەكسكە سايكەس، قىرعىزستاندا جاڭادا ينستيتۋتتار قۇرىلادى. ولاردىڭ ىشىندە ءبىرىڭعاي ءتىزىلىم، تەرگەۋ سۋدياسى، ساندىق تەرگەۋ كابينەتى مەن سوت زالدارى جانە پروباتسيا قىزمەتى بار.