08:28, 28 - جەلتوقسان 2018 | GMT +5
ديماشتىڭ برازيليالىق جانكۇيەرى ءوز قولىمەن توقىعان جەمپىردى جولداپ جىبەرگەن
اقتوبە. قازاقپارات - ءانشى ديماش قۇدايبەرگەننىڭ جانكۇيەرلەرى الەمنىڭ ءار تۇكپىرىنەن سالەمدەمە جولداپ جاتىر. برازيليالىق جانكۇيەر نوتا بەينەلەنگەن جەمپىر توقىپ، جولداپ جىبەرگەن، دەپ حابارلايدى قازاقپارات ءتىلشىسى.
ديماش قۇدايبەرگەننىڭ وتباسى جاڭا جىل مەرەكەسى قارساڭىندا الەمنىڭ ءار تۇكپىرىنەن كەلگەن سالەمدەمەلەردى قابىلداپ جاتىر. جانكۇيەرلەردىڭ ءبىرى ءوز قولىمەن جەمپىر توقىپ، قازاق تىلىندە لەبىزىن بىلدىرگەن.
«ديماش، قاراپايىم سىيلىق، مەن ونى ءوزىم جاسادىم. بۇل توقىما. مۇنى مەن ماحابباتىممەن، سۇيىسپەنشىلىگىممەن جاسادىم»، - دەپ جازۋلى تۇر سالەمدەمەدە.
سونىمەن قاتار، اياز اتا ءمۇسىنى مەن ديماش قۇدايبەرگەن بەينەلەنگەن تاباق فانتوپتان كەلگەن. جانكۇيەرلەر تاباق جيەگىنە ءوز سۋرەتتەرىن سالىپ جىبەرگەن. اياز اتانىڭ امان- ەسەن مەكەنجاي بويىنشا جەتكەنىن ءانشىنىڭ اجەسى ميۋا نيزامۋتدينوۆا الەۋمەتتىك جەلىدەگى پاراقشاسى ارقىلى حابارلادى.
«ديماشتىڭ جانكۇيەرلەرىنە العىسىمىز شەكسىز. سىيلىقتارىڭىزدى الدىق. 2019 -جىل - باقىت جىلى بولسىن!» دەپ جازدى ءانشىنىڭ اجەسى.