قاپشاعاي سۋ قويماسىنان جاپوندىق اس شايان تابىلدى

ق ر ا ش م ورمان شارۋاشىلىعى جانە جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت فەيسبۋكتەگى پاراقشاسىندا جاريا ەتكەندەي، «قازۇزي بالىق شارۋاشىلىعى» ج ش س عالىمدارى سۋ قويماسىنان حالىق «جاپون اس شايانى» دەپ اتاپ كەتكەن شايانداردىڭ جاڭا ءتۇرىن انىقتاعان.

«جاپون اس شايانى العاش رەت قاپشاعاي سۋ قويماسىنىڭ جوعارعى جاعىنان (ىلە وزەنىنىڭ ساعاسىندا) 2009-2010 -جىلدارى تابىلعان ەدى. شاياننىڭ بۇل ءتۇرىنىڭ دەنە ۇزىندىعى - 10 س م- گە دەيىن. ال بۇرىن رەزەرۆۋاردا مەكەن ەتەتىن اسشايانداردىڭ ۇزىندىعى 5-6 س م- دەن اسپايتىن» ، - دەپ جازادى ول.

ادەتتە، اتالمىش اس شاياننىڭ مەكەن ەتۋ ورىندارى - جاپونيا، قىتاي، كورەيا، ۆەتنام جانە رەسەي سۋ قويمالارى.

ا ش م وكىلىنىڭ ايتۋىنا قاراعاندا، اتالمىش اس شاياننىڭ ءدامى ءتىل ۇيىرەتىندىكتەن، ادامدار ونى جاپپاي اۋلاۋدى كاسىپكە اينالدىرعان. اسىرەسە، ازيانىڭ وڭتۇستىك- شىعىسىندا بۇل شارۋاشىلىق ەرەكشە دامىعان كورىنەدى.

«بىزگە جاقىن اۋدانداردا قىتايلىق تابيعي رەسۋرستاردى پايدالانۋشىلار وسى اس شاياندى وسىرەتىن بولۋى كەرەك. سودان بارىپ جاپون اس شايانى وسى سۋ قويماسىنا جەتكەن. سوڭعى ۋاقىتقا دەيىن ءبىز سۋ قويماسىندا ىرىلەۋ اس شايانداردىڭ كوپتەپ تارالماۋىنا اۋا رايى جاعدايى سەبەپ بولۋى مۇمكىن دەگەن ويدا ەدىك. ءبىراق 2018 -جىلى الىنعان عىلىمي قورىتىندىلار ءىرى اسشاياندار سۋ قويماسىندا تارالىپ قانا قويماي، جىرتقىش كوكسەركەلەردىڭ ازىعىنا اينالا الاتىنىن كورسەتتى. وسىعان وراي، اسشاياندار سۋ قويماسىنداعى ەكوجۇيەدە ءوز ورنىن الادى» ، - دەيدى ساكەن دىلداحمەت.