وتباسىلىق قۇندىلىقتاردى ناسيحاتتايتىن بالالار فيلمى تۇسىرىلەدى
بۇل تۋرالى ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى ءلاززات سۇلەيمەن قازاقپارات تىلشىسىنە بەرگەن سۇحباتىندا ءمالىم ەتتى.
«الداعى جىلى مەملەكەت قاراجاتىنان بالالارعا ارنالعان وتباسىلىق قۇندىلىقتاردى ناسيحاتتايتىن فيلمدەردى ءتۇسىرۋ قولعا الىنادى. بۇگىندە اتالعان جوبا بويىنشا ەلىمىزگە بەلگىلى كينورەجيسسەرلەر اقان ساتايەۆ، تيمۋر بەكمامبەتوۆ جانە ەرمەك تۇرسىنوۆپەن كەلىسىمدەر جاسالۋ ۇستىندە. ماقساتى - فيلم ارقىلى بالالار مەن جاستارعا ۇلتتىق جانە وتباسىلىق قۇندىلىقتاردى دارىپتەۋ» ، - دەدى ءلاززات سۇلەيمەن.
ونىڭ ايتۋىنشا، بالالارعا ارنالعان فيلمدەردىڭ العاشقىسى كەلەسى جىلى جاڭا جىل قارساڭىندا ەلىمىزدىڭ بارلىق وڭىرىندە كورسەتىلەتىن بولادى.
«مەملەكەت قارجىسىنان بولەك، اتالعان جوباعا جەكە كاسىپكەرلەر مەن ينۆەستورلار تارتىلاتىن بولادى. سول سياقتى بۇل الداعى جىلدارى تۇراقتى تۇردە جۇزەگە اسىرىلادى. ياعني ءبىر فيلم تۇسىرۋمەن شارۋا بىتپەيدى. ودان بولەك، فيلمنىڭ مازمۇنىنا ەرەكشە ءمان بەرەتىن بولامىز، ويتكەنى كينوتۋىندى الدىمەن تاربيە قۇرالى بولۋى ءتيىس» ، - دەدى ول.
بۇعان دەيىن حابارلاعانىمىزداي بۇگىن استانادا تۇرمىسى تومەن وتباسىلاردىڭ بالالارى، ەرەكشە كۇتىمدى تالاپ ەتەتىن جانە بالالار ءۇيىنىڭ تاربيەلەنۋشىلەرىنە فيلم تەگىن كورسەتىلدى.